ഡൽഹിയിൽ സ്‌കൂൾ ബസിനുള്ളിൽ ആറു വയസ്സുകാരിയെ പീഡിപ്പിച്ചു; പോക്‌സോ കേസിൽ സീനിയർ വിദ്യാർത്ഥി പിടിയിൽ

ന്യൂഡൽഹി: ഡൽഹിയിൽ സ്‌കൂൾ ബസിനുള്ളിൽ ആറു വയസ്സുകാരിയായ വിദ്യാർത്ഥിനിയെ ലൈംഗിക പീഡനത്തിരയാക്കിയ സീനിയർ വിദ്യാർത്ഥി പിടിയിൽ. ഡൽഹിയിലെ രോഹിണി ജില്ലയിൽ ഓഗസ്റ്റ് 23-നാണ് സംഭവം നടന്നത്. ബേഗംപുരിലെ സ്വകാര്യ സ്‌കൂളിലെ വിദ്യാർത്ഥിയാണ് അക്രമത്തിനിരയായത്.

സ്‌കൂളിൽ നിന്ന് തിരിച്ചെത്തിയ കുട്ടിയുടെ ബാഗ് മൂത്രം വീണ് നനഞ്ഞിരിക്കുന്നത് ശ്രദ്ധയിൽപ്പെട്ട അമ്മ കാര്യമന്വേഷിച്ചപ്പോഴാണ് സ്‌കൂൾ ബസിൽ സീനീയർ വിദ്യാർത്ഥിയിൽ നിന്ന് നേരിട്ട പീഡനത്തെ കുറിച്ച് കുട്ടി പറയുന്നത്. തുടർന്ന് അച്ഛന്റെ പരാതിയിൽ പൊലീസ് കേസെടുക്കുകയായിരുന്നു.

കുറ്റാരോപിതനായ വിദ്യാർത്ഥിയെ പൊലീസ് പിടികൂടിയിട്ടുണ്ട്. പോക്സോ ഉൾപ്പടെയുള്ള വകുപ്പുകൾ ചുമത്തിയാണ് കേസ്. തുടരന്വേഷണം പുരോഗമിക്കുകയാണെന്നും പൊലീസ് വ്യക്തമാക്കി. സംഭവത്തിൽ ഡൽഹി വനിതാ കമ്മീഷൻ റിപ്പോർട്ട് തേടിയിട്ടുണ്ട്.