കൊൽക്കത്ത: എയർ ഇന്ത്യ എക്സ്‌പ്രസ് ഏപ്രിൽ മുതൽ കൊൽക്കത്തയിൽ നിന്ന് ഇംഫാലിലേക്കും കൊച്ചിയിലേക്കും നോൺ-സ്റ്റോപ്പ് സർവീസുകൾ തുടങ്ങും. ഇംഫാലിലേക്കുള്ള സർവീസുകൾ എല്ലാ ദിവസവും കൊച്ചിയിലേക്കുള്ള സർവീസുകൾ ആഴ്ചയിൽ ആറ് ദിവസവുമായിരിക്കുമെന്ന് എയർ ഇന്ത്യ അധികൃതർ അറിയിച്ചു.

കൊൽക്കത്തയിൽ നിന്നുള്ള വിമാനം രാവിലെ 7 ന് പുറപ്പെട്ട് രാവിലെ 8.05 മണിക്ക് ഇംഫാലിലെത്തും. രാവിലെ 8.35 ന് തന്നെ വിമാനം പുറപ്പെടുന്ന വിമാനം 10.20 ന് കൊൽക്കത്തയിൽ എത്തും.

കൊൽക്കത്ത-കൊച്ചി വിമാനം രാവില 11.25 ന് പുറപ്പെടും. 2.35 ന് കൊച്ചിയിൽ എത്തിച്ചേരും. തിരിച്ച് കൊച്ചിയിൽ നിന്ന് വൈകുന്നേരം 3.05 ന് പറുപ്പെടുന്ന വിമാനം 6.10 ന് കൊൽക്കത്തയിൽ എത്തിച്ചേരും.

നേരത്തെ എയർ ഇന്ത്യ എക്സ്‌പ്രസ് വിമാനങ്ങളിൽ ഒരേ യാത്രയ്ക്ക് നാല് നിരക്കുകളിൽ യാത്ര ചെയ്യാനാകുന്ന സൗകര്യവും പ്രഖ്യാപിച്ചരുന്നു. എക്സ്‌പ്രസ് വാല്യൂ, എക്സ്‌പ്രസ് ലൈറ്റ്, എക്സ്‌പ്രസ് ഫ്‌ളെക്‌സ്, എന്നിവയ്ക്ക് പുറമേ എക്സ്‌പ്രസ് ബിസ് എന്ന പേരിൽ ബിസിനസ് ക്ലാസ് സേവനങ്ങൾ ലഭ്യമാക്കുന്ന ടിക്കറ്റ് നിരക്കുകളും എയർലൈൻ പുതുതായി അവതരിപ്പിച്ചിരുന്നു.