മുംബൈ: ജർമ്മൻ ആഡംബര കാർ നിർമ്മാതാക്കളായ ഓഡി 2023-24 സാമ്പത്തിക വർഷം 7027 കാറുകൾ വിറ്റഴിച്ചു കൊണ്ട് 33% മൊത്ത വളർച്ച കൈവരിച്ചു. ഓഡിയുടെ യൂസ്ഡ് കാർ ബ്രാൻഡ് ആയ ഓഡി അപ്രൂവ്ഡ്:പ്ലസ് 2023-24 സാമ്പത്തിക വർഷം അമ്പത് ശതമാനം വളർച്ച നേടി.

"2023-24 സാമ്പത്തിക വർഷം 33% എന്ന അതിശക്തമായ വളർച്ചയാണ് ഞങ്ങളുടെ വൈവിധ്യമാർന്ന പോർട്ട്ഫോളിയോയുടെ പിൻബലത്തിൽ നേടിയെടുത്തത്. ഉൽപ്പന്ന നിരകൾക്കെല്ലാം ശക്തമായ ഡിമാൻഡ് നിലനിൽക്കുന്നു. വിതരണ മേഖലയിലെ വെല്ലുവിളികൾ മറികടക്കുവാൻ പോവുകയാണ്. 2023-ലെ റെക്കോർഡ് വിൽപ്പനയുടെയും ആഡംബര വിപണിയിലെ നിലവിലുള്ള വളർച്ചയുടെയും സാഹചര്യത്തിൽ 2024-ൽ 50,000 കാറുകൾ വിൽക്കാൻ കഴിയുമെന്ന ആത്മവിശ്വാസത്തിലാണ് ഞങ്ങൾ'. ഓഡി ഇന്ത്യയുടെ ഹെഡ് ബൽബീർ സിങ്ങ് ധില്ലൻ പറഞ്ഞു.

2024 ജനുവരി മുതൽ മാർച്ച് വരെയുള്ള കാലയളവിൽ ഓഡി അപ്രൂവ്ഡ്:പ്ലസ് 25% എന്ന അതിശക്തമായ വളർച്ചയ്ക്കാണ് സാക്ഷ്യം വഹിച്ചത്. നിലവിൽ രാജ്യത്തിന്റെ പ്രധാനപ്പെട്ട എല്ലാ സിറ്റികളിലുമായി 26 ഓഡി അപ്രൂവ്ഡ്:പ്ലസ് കേന്ദ്രങ്ങൾ ഉണ്ട്. ഈ വർഷം നാല് യൂസ്ഡ് കാർ ഷോറൂമുകൾ കൂടി ആരംഭിക്കും.

ഓഡി ഇന്ത്യ വാഹന നിര: ഓഡി എ 4, ഓഡി എ 6, ഓഡി എ 8 എൽ, ഓഡി ക്യു 3, ഓഡി ക്യു 3സ്‌പോർട്ട്ബാക്ക്, ഓഡി ക്യു 5, ഓഡി ക്യു 7, ഓഡി ക്യൂ8, ഓഡി എസ് 5 സ്‌പോർട്ട്ബാക്ക്, ഓഡി ആർ എസ് 5 സ്‌പോർട്ട്ബാക്ക്, ഓഡി ആർ എസ് ക്യൂ8, ഓഡി ക്യൂ8 50 ഇ-ട്രോൺ, ഓഡി ക്യൂ8 55 ഇ-ട്രോൺ, ഓഡി ക്യൂ8 സ്പോർട്ട്ബാക്ക് 50 ഇ-ട്രോൺ, ഓഡി ക്യൂ8 സ്പോർട്ട്ബാക്ക് 55 ഇ-ട്രോൺ, ഓഡി ഇ-ട്രോൺ ജി ടി, ഓഡി ആർ എസ് ഇ-ട്രോൺ ജി. ടി