ആരോഗ്യ ഇന്‍ഷുറന്‍സ് പദ്ധതിയില്‍ വ്യാജ ക്ലെയിമുകള്‍ സമര്‍പ്പിച്ച് പണം തട്ടി; യുഎസിലെ ഇന്ത്യന്‍ വംശജനായ ഡോക്ടര്‍ക്ക് 14 വര്‍ഷം തടവ്

ന്യൂയോര്‍ക്ക്: യുഎസിലെ ആരോഗ്യ ഇന്‍ഷുറന്‍സ് പദ്ധതിയില്‍ തട്ടിപ്പ് നടത്തിയ ഇന്ത്യന്‍ വംശജനായ ഡോക്ടര്‍ക്ക് 14 വര്‍ഷം തടവ്. മെഡികെയറില്‍ വ്യാജ ക്ലെയിമുകള്‍ സമര്‍പ്പിച്ച് പണം തട്ടിയെന്നുള്‍പ്പെടെ ആരോപണങ്ങളില്‍ കുറ്റക്കാരനെന്നു കണ്ടെത്തിയ ഇന്ത്യന്‍ വംശജനായ ഡോക്ടര്‍ നീല്‍ കെ.ആനന്ദി(48)നെയാണ് കോടതി ശിക്ഷിച്ചത്.

ഇന്‍ഷുറന്‍സ് പണം കിട്ടാനായി മാത്രം അനാവശ്യ മരുന്നുകള്‍ അടിച്ചേല്‍പ്പിച്ചെന്നും നിയന്ത്രണമുള്ള മരുന്നുകളുടെ പ്രിസ്‌ക്രിപ്ഷന്‍ കുറിക്കാന്‍ ലൈസന്‍സ് ഇല്ലാത്ത മെഡിക്കല്‍ ഇന്റേണുകളെ ഉപയോഗിച്ചെന്നുമുള്‍പ്പെടെ ഒട്ടേറെ ആരോപണങ്ങളാണ് പെന്‍സില്‍വേനിയക്കാരനായ ഡോക്ടര്‍ക്കെതിരെയുള്ളത്. നഷ്ടപരിഹാരമായും പിഴയായും 20 ലക്ഷം ഡോളര്‍ വീതം അടയ്ക്കണം.