പൊങ്കല്‍ പുക കാഴ്ച മറച്ചു; ചെന്നൈ വിമാനത്താവളത്തില്‍ 14 വിമാനങ്ങള്‍ റദ്ദാക്കി: ബാധിച്ചത് 44 സര്‍വീസുകളെ

ചെന്നൈ: പൊങ്കല്‍ ആഘോഷ ദിവസത്തിലെ കനത്ത പുകയില്‍ ചെന്നൈ വിമാനത്താവളത്തിലെ വിമാന ട്രെയിന്‍ സര്‍വീസുകള്‍ തടസ്സപ്പെട്ടു. മൂടല്‍മഞ്ഞും പുകയും കൂടിച്ചേര്‍ന്നു റണ്‍വേ കാണാന്‍ സാധിക്കാതായതോടെ ചെന്നൈ വിമാനത്താവളത്തില്‍നിന്നു 14 വിമാനങ്ങള്‍ റദ്ദാക്കി. 10 സര്‍വീസുകള്‍ മൂന്ന് മണിക്കൂര്‍ വരെ വൈകി.

44 സര്‍വീസുകളെ ബാധിച്ചതായി വിമാനത്താവള അധികൃതര്‍ അറിയിച്ചു. ചെന്നൈ സബേര്‍ബന്‍ സര്‍വീസുകളും പുലര്‍ച്ചെയുള്ള ബസ് സര്‍വീസുകളും തടസ്സപ്പെട്ടത് യാത്രക്കാരെ വലച്ചു. കനത്ത പുകയെ തുടര്‍ന്നു നഗരത്തിലെ വായു നിലവാരവും മോശമായി.