ടി.വി പ്രവര്ത്തിക്കാതിരുന്നതിനെച്ചൊല്ലി തര്ക്കം; പതിനഞ്ചുകാരന് ബന്ധുവിനെ തലക്കടിച്ച് കൊന്നു
പാല്ഗര്: മഹാരാഷ്ട്രയിലെ വാസൈയില് പതിനഞ്ചുകാരന് ബന്ധുവിനെ മുളവടി കൊണ്ട് തലക്കടിച്ചുകൊന്നു. ദുര്ഗാബോസ്(60) ആണ് കൊല്ലപ്പെട്ടത്. സാങ്കേതിക തകരാര് മൂലം ടി.വി പ്രവര്ത്തിക്കാതിരുന്നതിനെച്ചൊല്ലിയുണ്ടായ തര്ക്കമാണ് കൊലപാതകത്തിലേക്ക് നയിച്ചത്. അനന്തരവനുമായുണ്ടായ വഴക്കിനിടെ തലയ്ക്ക് അടിയേല്ക്കുകയായിരുന്നു.
പ്രകോപിതയായ ദുര്ഗ അനന്തരവനെ ശകാരിക്കുകയും പഠനത്തില് ശ്രദ്ധ കേന്ദ്രീകരിക്കാത്തില് ശാസിക്കുകയും ചെയ്തു. പിന്നാലെ രോഷാകുലനായ കുട്ടി ബന്ധുവിനെ കയ്യില് കിട്ടിയ മുളവടി ഉപയോഗിച്ച് നിരവധി തവണ തലക്കടിക്കുകയായിരുന്നു. സംഭവത്തിന് പിന്നാലെ പ്രതി സുഹൃത്തുമായി ചേര്ന്ന് മൃതദേഹം സോഫയുടെ അടിയില് ഒളിപ്പിക്കാന് ശ്രമിച്ചു.
അമ്മയെ ബന്ധപ്പെടാന് സാധിക്കാത്തതിനാല് ദുര്ഗയുടെ മകള് നടത്തിയ അന്വഷണത്തിലാണ് കൊലപാതകവിവരം പുറത്തുവന്നത്. തുടര്ന്ന് പൊലിസ് സ്ഥലത്തെത്തി പരിശോധന നടത്തി. വീട് അകത്ത് നിന്നും പൂട്ടിയ നിലയിലായിരുന്നു. മൂന്ന് മണിക്കൂറോളം നീണ്ട പരിശ്രത്തിനൊടുവിലാണ് സംഘത്തിന് അകത്ത് കടക്കാനായത്. ചോദ്യം ചെയ്യലില് പ്രതി കുറ്റം സമ്മതിച്ചതായി പൊലിസ് അറിയിച്ചു.
