'നിറഞ്ഞ വെളിച്ചത്തില്‍ ഇരുട്ട് അകന്നുപോകട്ടെ, നല്ല പ്രഭാതം പ്രത്യക്ഷപ്പെടട്ടെ'; ദീപാവലി ആശംസയുമായി തമിഴക വെട്രി കഴകം പാർട്ടി അധ്യക്ഷനും നടനുമായ വിജയ്
മുംബൈ: ജനങ്ങള്‍ക്ക് ദീപാവലി ആശംസയുമായി നടനും തമിഴക വെട്രി കഴകം (ടിവികെ) പാര്‍ട്ടി അധ്യക്ഷനുമായ വിജയ്. എക്‌സിലൂടെയാണ് താരം ദീപാവലി ആശംസ പങ്കുവെച്ചത്.
'ദീപാവലിയുടെ നിറഞ്ഞ വെളിച്ചത്തില്‍ ഇരുട്ട് അകന്നുപോകട്ടെ. നല്ല പ്രഭാതം പ്രത്യക്ഷപ്പെടട്ടെ. എല്ലാ വീടുകളിലും സ്‌നേഹവും സമാധാനവും സമ്പത്തും നിലനില്‍ക്കട്ടെ. നമുക്ക് ദീപാവലി സുരക്ഷിതമായി ആഘോഷിക്കുകയും ആസ്വദിക്കുകയും ചെയ്യാം. എല്ലാ ദീപാവലി ആശംസകളും നേരുന്നു' വിജയ് എക്‌സില്‍ കുറിച്ചു.
അതേസമയം, സിനിമ കരിയറിന് അവസാനമിട്ട താരം മുഴുവന്‍ സമയ രാഷ്ട്രീയ പ്രവര്‍ത്തനത്തിലേക്ക് ഇറങ്ങുകയാണ്. അടക്കിനു മുന്നോടിയായി തന്റെ അവസാന ചിത്രത്തമായ ദളപതി 69 ന്റെ ഒരുക്കത്തിലാണ് താരം. എച്ച്. വിനോദാണ് സംവിധാനം ചെയ്യുന്ന ചിത്രത്തിന്റെ ഷൂട്ടിങ് ദീപാവലി കഴിഞ്ഞ് ആരംഭിക്കുമെന്നാണ് റിപ്പോർട്ട്. വിജയ് നവംബര്‍ നാലിന് സെറ്റില്‍ ചേരുമെന്നുമാണ് വിവരം. 2025 ഒക്ടോബറില്‍ ചിത്രം തിയേറ്ററിലെത്തുമെന്നാണ് സൂചന.
