പൂണെ: മുൻ രാഷ്ട്രപതി പ്രതിഭാ പാട്ടിൽ ആശുപത്രിയിൽ. പനിയെയും ശ്വാസ തടസത്തെയും തുടർന്നാണ് പ്രതിഭാ പാട്ടിലിനെ ബുധനാഴ്ച രാത്രി പൂണെയിലെ ഭാരതി ആശുപത്രിയിൽ പ്രവേശിപ്പിച്ചത്. പ്രതിഭാ പാട്ടിലിന്റെ ആരോഗ്യനില തൃപ്തികരമാണെന്നാണ് റിപ്പോർട്ടുകൾ. അതേസമയം മുൻരാഷ്ട്രപതി ചികിത്സയിലാണെന്നും ആരോഗ്യനില സൂക്ഷ്മമായി നിരീക്ഷിച്ചുവരികയാണെന്നും ആശുപത്രി അധികൃതർ അറിയിച്ചു.

ഇന്ത്യയുടെ ആദ്യത്തെ വനിതാ രാഷ്ട്രപതിയായിരുന്നു പ്രതിഭാ പാട്ടിൽ. ഇന്ത്യയുടെ പന്ത്രണ്ടാമത് രാഷ്ട്രപതിയായ ഇവർ 2007 മുതൽ 2012വരെ സേവനം അനുഷ്്ഠിച്ചു. 1991 മുതൽ 1996 വരെ മഹാരാഷ്ട്രയിലെ അമരാവതിയിൽ നിന്നുള്ള ലോക്‌സഭാ എംപിയായും പിന്നീട് 2004 മുതൽ 2007 വരെ രാജസ്ഥാൻ ഗവർണറായും സേവനമനുഷ്ഠിച്ചിട്ടുണ്ട്.