ശ്രീനഗറിൽ ഭീകരാക്രമണം; 12 പേർക്ക് പരിക്ക്; ലക്ഷ്യമിട്ടത് സുരക്ഷാസേനയെ; കുതറിയോടി നാട്ടുകാർ; പ്രദേശത്ത് ജാഗ്രത നിർദ്ദേശം

ശ്രീനഗർ: ശ്രീനഗറിൽ വൻ ഭീകരാക്രമണം. ആക്രമണത്തിൽ 12 പേർക്ക് പരിക്കേറ്റു. ലാൽ ചൗക്കിന് സമീപമാണ് സംഭവം നടന്നത്. ഭീകരർ ഗ്രനേഡ് ആക്രമണം ആണ് നടത്തിയത്. അവർ ലക്ഷ്യമിട്ടത് സുരക്ഷസേന എന്നാണ് ലഭിക്കുന്ന റിപ്പോർട്ടുകൾ.

ഞായറാഴ്ച ചന്തയ്ക്ക് നേരെ ഭീകരർ ആക്രമണം അഴിച്ചുവിടുകയായിരുന്നു. പരിഭ്രാന്തരായ ജനങ്ങൾ കുതറി ഓടുകയും നിരവധി പേർക്ക് പരിക്കേൽക്കുകയും ചെയ്തു.

പ്രദേശത്ത് സൈനികർ ജാഗ്രത നിർദ്ദേശം നൽകിയിട്ടുണ്ട്. ഭീകരർക്കുള്ള തിരച്ചിൽ തുടരുകയാണ്.