മദ്യപിച്ച് ബസില്‍ കയറി; സീറ്റില്‍ നിന്ന് എഴുന്നേല്‍ക്കുന്നതിനിടെ യുവതിയോട് മോശമായി പെരുമാറി; ശല്യം ചെയ്തതിന് 26 തവണ അടി നല്‍കി യുവതി; വീഡിയോ വൈറല്‍
മുംബൈ: മദ്യപിച്ച് ബസില്‍ ശല്യം ചെയ്ത യുവാവിന് യുവതിയുടെ കടുത്ത മറുപടി. യുവതിയെ ശല്യം ചെയ്ത യുവാവിന് 26 തവണ താക്കീതായുള്ള അടിയാണ് യുവതിയില്‍ നിന്ന് കിട്ടിയത്. പൂണെയിലാണ് സംഭവം. ദൃശ്യങ്ങള്‍ സാമൂഹ്യമാധ്യമങ്ങളില്‍ വ്യാപകമായി പ്രചരിച്ചതോടെ സംഭവം വൈറലായിരിക്കുകയാണ്. ബസില്‍ സീറ്റില്‍ നിന്ന് എഴുന്നേല്‍ക്കുന്നതിനിടെ യുവാവ് യുവതിയോട് അനുചിതമായി പെരുമാറുകയും, തൊടാന്‍ ശ്രമിക്കുകയുമായിരുന്നു. ഈ പ്രവൃത്തിയോട് പ്രകോപിതയായ യുവതി യുവാവിനെ പിടിച്ചുനിര്‍ത്തി 26 തവണ മുഖത്ത് അടിച്ചു. യുവാവ് തന്റെ തെറ്റിന് മാപ്പ് ചോദിക്കുന്നതും ദൃശ്യങ്ങളില്‍ വ്യക്തമാണ്.
ബസ് കണ്ടക്ടര്‍ ഉള്‍പ്പെടെ ജീവനക്കാര്‍ വിഷയത്തില്‍ ഇടപെട്ടിരുന്നു. ബസിനെ അടുത്തുള്ള പൊലീസ് സ്റ്റേഷനിലേക്ക് കൊണ്ടുപോകണമെന്ന് യുവതി ആവശ്യപ്പെടുകയും, പിന്നീട് യുവാവിന്റെ ഭാര്യ യുവതിയോടു മാപ്പ് ചോദിച്ചതോടെ കേസ് ഒത്തുതീര്‍പ്പായി. ഷിര്‍ദിയിലെ ഒരു സ്‌കൂളിലെ അധ്യാപികയായ യുവതി, ഭര്‍ത്താവിനും മകനുമൊപ്പം പുണെയിലേക്ക് യാത്ര ചെയ്യുമ്പോഴാണ് ഈ സംഭവം നടന്നത്. തന്റെ സ്വാഭിമാനത്തിനും സുരക്ഷയ്ക്കുമുള്ള അവകാശത്തിന് കൂപ്പുകുത്താതെ, യുവതി തന്റെ നിലപാട് ശക്തമായി പ്രഖ്യാപിച്ചത് സമൂഹമാധ്യമങ്ങളില്‍ വലിയ പിന്തുണയോടെയാണ് സ്വീകരിക്കപ്പെട്ടിരിക്കുന്നത്.
