അടിവാരത്ത് വന്‍ മയക്കുമരുന്ന് വേട്ട; പിടിച്ചെടുത്തത് 150 ഗ്രാം രാസലഹരി; എംഡിഎംഎ യുമായി പോലീസ് വലയിൽ കുടുങ്ങി പ്രതി; ഇയാൾ ലഹരിക്ക് അടിമായെന്ന് നാട്ടുകാർ; പരിശോധനയിൽ ഞെട്ടിപ്പിക്കുന്ന വിവരങ്ങൾ!
കോഴിക്കോട്: കോഴിക്കോട് അടിവാരത്ത് നിന്നും ഒരാളെ എംഡിഎംഎ യുമായി അറസ്റ്റ് ചെയ്തു. പോലീസിന്റെ പരിശോധനയിൽ വന്‍ മയക്കുമരുന്ന് വേട്ടയാണ് നടന്നത്. നൂറ്റിപതിമൂന്ന് ഗ്രാം രാസലഹരി പോലീസ് പിടികൂടി. സംഭവത്തില്‍ ഒരാളെ താമരശേരി പോലീസ് അറസ്റ്റ് ചെയ്തു. അടിവാരം അങ്ങാടിക്ക് തൊട്ടടുത്ത വീട്ടില്‍ ഇന്നലെ നടത്തിയ പരിശോധനയിലാണ് രാസലഹരിയായ എം ഡി എം എ പിടികൂടിയത്.
സംഭവത്തില്‍ അടിവാരം കളക്കുന്നുമ്മല്‍ ഒറ്റിതോട്ടത്തില്‍ സിജാസ് എന്നയാളെ അറസ്റ്റ് ചെയ്തു. 113 ഗ്രം എം ഡി എം എയാണ് ഇയാളുടെ വീട്ടില്‍ നിന്നും കണ്ടെടുത്തത്. ഇയാളെ പിടികൂടിയതും കൂടുതൽ ഞെട്ടിപ്പിക്കുന്ന വിവരങ്ങളാണ് പുറത്തുവന്നത്. ഇയാള്‍ ലഹരിക്ക് അടിമയാണെന്നും ലഹരിയില്‍ നിരന്തരം വീട്ടില്‍ പ്രശ്നം ഉണ്ടാക്കുന്ന ആളുമാണ്.
നാട്ടുകാര്‍ നല്‍കിയ രഹസ്യവിവരത്തെ തുടര്‍ന്ന് റൂറല്‍ എസ്പിയുടെ കീഴിലെ പ്രത്യേക സംഘമാണ് പ്രതിയേയും എം ഡി എം എയും പിടിച്ചെടുത്തത്. അടിവാരം അങ്ങാടിയില്‍ ലഹരി വിരുദ്ധ ജാഗ്രത സമിതിയുടെ ലഹരി വിരുദ്ധ മാര്‍ച്ച് നടക്കുന്നതിനിടെയാണ് തൊട്ടടുത്ത് നിന്ന് ലഹരി പിടികൂടുന്നത്.
അതേസമയം, കഴിഞ്ഞ ദിവസം കൊടുവള്ളിക്കടുത്ത് വാവാട് നിന്ന് 97 ഗ്രാം എം ഡി എം എ പിടികൂടിയിരുന്നു. കോഴിക്കോട് പണിക്കര്‍ റോഡ് സ്വദേശി നാലുകുടിപ്പറമ്പ് അമീര്‍. എന്നയാളെയാണ് പോലീസ് ഈ കേസിൽ അറസ്റ്റ് ചെയ്തത്. സ്കൂട്ടറിന്‍റെ സീറ്റിനടിയില്‍ ഒളിപ്പിച്ച് കടത്തുന്നതിനിടെയാണ് ഇയാള്‍ പൊലീസിന്‍റെ പിടിയിലാവുന്നത്.
ഇന്നലെ വെള്ളിപറമ്പില്‍ നിന്ന് പത്തര കിലോഗ്രാം കഞ്ചാവുമായി ഒഡീഷ സ്വദേശികളായ രമേശ് ബാരിക്ക്, ആകാശ് ബലിയാര്‍ സിംഗ് എന്നിവരും പിടിയിലായിട്ടുണ്ട്. കാരന്തൂരില്‍ കഴിഞ്ഞ ചൊവ്വാഴ്ച കുന്ദമംഗലം പോലീസ് വന്‍ മയക്കുമരുന്ന് വേട്ട നടത്തിയിരുന്നു.
