യുവതിയെ കൊലപ്പെടുത്തി യുവാവിന്റെ ആത്മഹത്യ തിരുവനന്തപുരത്ത്; ആശയെ കൊന്നത് സി കുമാറെന്ന് പോലീസ്; തമ്പാനൂരിലെ ലോഡ്ജില്‍ മരിച്ചത് കൈരളി ടിവിയുടെ ടെക്‌നിക്കല്‍ വിഭാഗം ജീവനക്കാരനും പെണ്‍സുഹൃത്തും; ലോഡ്ജില്‍ കുമാര്‍ മുറിയെടുത്തത് രണ്ടു ദിവസം മുമ്പ്; പേയോട് സ്വദേശികളുടെ മരണത്തില്‍ വന്‍ ദുരൂഹത
തിരുവനന്തപുരം: തിരുവനന്തപുരം നഗരമധ്യത്തിലെ ലോഡ്ജില്‍ യുവതിയും യുവാവും മരിച്ച നിലയില്‍. തമ്പാനൂരിലെ ലോഡ്ജിലാണ് ഇവരെ മരിച്ച നിലയില്‍ കണ്ടെത്തിയത്. സി.കുമാര്‍, ആശ എന്നിവരാണ് മരിച്ചത്. കൈരളി ടെലിവിഷന്‍ ചാനലിലെ പ്രൊഡക്ഷന്‍ അസിസ്റ്റന്റാണ് മരിച്ച സി കുമാര്‍. ഇരുവരും തിരുവനന്തപുരം പേയാട് സ്വദേശികളാണ്. കൈരളി ടിവിയുടെ ടെക്‌നിക്കല്‍ വിഭാഗത്തിലാണ് കുമാര്‍ ജോലി ചെയ്യുന്നത്.
യുവതിയെ കൊലപ്പെടുത്തി യുവാവ് ആത്മഹത്യ ചെയ്തതെന്നാണ് സംശയമെന്നും കൂടുതല്‍ അന്വേഷണം നടത്തുകയാണെന്നും പൊലീസ് പറഞ്ഞു. ലോഡ്ജ് അധികൃതര്‍ അറിയിച്ചതിനെ തുടര്‍ന്നാണ് പൊലീസ് സ്ഥലത്തെത്തിയത്. തമ്പാനൂര്‍ റെയില്‍വെ സ്റ്റേഷന് സമീപമുള്ള ടൂറിസ്റ്റ് ഹോമിലാണ് സംഭവം. കുമാര്‍ രണ്ടു ദിവസം മുമ്പ് ഇവിടെ മുറിയെടുത്തത്. ഇന്നലെ രാവിലെയാണ് ആശ ഇവിടേക്ക് എത്തിയത്. കൊടിയില്‍ ടൂറിസ്റ്റ് ഹോമിലാണ് സംഭവം.
ഇരുവരെയും പുറത്തേക്ക് കാണാതായതിനെ തുടര്‍ന്ന് ലോഡ്ജ് അധികൃതരാണ് പൊലീസിനെ വിവരം അറിയിച്ചത്. യുവതിയെ മുറിയില്‍ മരിച്ച നിലയിലും കുമാറിനെ തൂങ്ങി മരിച്ച നിലയിലുമാണ് കണ്ടെത്തിയത്. സംഭവത്തിന്റെ കൂടുതല്‍ വിവരങ്ങള്‍ പുറത്തുവന്നിട്ടില്ല.
