മദ്യപിക്കുന്നതിനിടെ പണത്തെചൊല്ലി വാക്കുതർക്കം; കണ്ണൂരിൽ സുഹൃത്തിനെ കുത്തിക്കൊല്ലാൻ ശ്രമിച്ച കേസിലെ പ്രതിയായ യുവാവ് അറസ്റ്റിൽ; പിടിയിലായ ശ്രീലേഷ് നിരവധി കവർച്ച, പിടിച്ചുപറി കേസുകളിലെ പ്രതിയെന്ന് പൊലീസ്; വധശ്രമ കേസ് ചുമത്തി
കണ്ണൂർ: കൂട്ടുചേർന്ന് മദ്യപിക്കുന്നതിനിടെ പണത്തെ ചൊല്ലിയും വ്യക്തിപരമായ പ്രശ്നങ്ങളെ ചൊല്ലിയും വഴക്കിട്ടു സൃഹുത്തിനെ കത്തിക്കൊണ്ടു കുത്തിക്കൊല്ലാൻ ശ്രമിച്ച യുവാവ് അറസ്റ്റിൽ. ചക്കരക്കൽ പൊലിസ് സ്റ്റേഷൻ പരിധിയിലെ വാരം കാടാങ്കോട് ഞായറാഴ്‌ച്ച രാത്രി എട്ടുമണിയോടെ ഒന്നിച്ചിരുന്ന് മദ്യപിക്കവെയുണ്ടായ വാക്തർക്കത്തിനിടെ സുഹൃത്തിനെ കത്തികൊണ്ട് കുത്തിപ്പരിക്കേൽപ്പിച്ചതിനാണ് യുവാവിനെ അറസ്റ്റു ചെയ്തത്.
ചക്കരക്കൽ പൊലിസ് സ്റ്റേഷൻ പരിധിയിൽ നിരവധി കേസുകളിലെ പ്രതിയായ യുവാവാണ് അറസ്റ്റിലായത്. ചക്കരക്കൽ പൊലീസ് സ്റ്റേഷൻ പരിധിയിലെ വാരം കടാങ്കോട്ട് വെച്ച് കഴിഞ്ഞ ദിവസം വിനോദിനെ കുത്തിപ്പരിക്കേൽപ്പിച്ച സംഭവത്തിൽ കടാങ്കോട്ടെ കല്ലേൻ ഹൗസിൽ കെ.ശ്രീലേഷിനെ (32)യാണ് ചക്കരക്കൽ സിഐ. ശ്രീജിത്തുകൊടേരിയും സംഘവും അറസ്റ്റ് ചെയ്തത്.
തിങ്കളാഴ്‌ച്ച പുലർച്ചെ കണ്ണൂർ പഴയ ബസ് സ്റ്റാൻഡിൽ വച്ചാണ് സിഐയും എസ്‌ഐ രാജീവൻ, ബാബു പ്രസാദ് എന്നിവർ ചേർന്ന് പ്രതിയെ പിടികൂടിയത്. കണ്ണൂർ ടൗൺ, വളപട്ടണം, ചക്കരക്കൽ പൊലീസ്സ് സ്റ്റേഷനുകളിൽ ഇയാൾക്കെതിരെ നിരവധി കവർച്ച, അക്രമ, പിടിച്ചുപറി കേസുകൾ ഇയാൾക്കെതിരെയുണ്ടെന്ന് ചക്കരക്കൽ പൊലിസ് ഇൻസ്പെക്ടർ ശ്രീജിത്ത് കോടെരി അറിയിച്ചു.കുത്തേറ്റ വിനോദൻ ചാലയിലെ സ്വകാര്യ ആശുപത്രിയിൽ ചികിത്സയിലാണ്.
ഇയാളുടെ മൊഴിയെടുത്തതിനു ശേഷമാണ് പൊലിസ് ശ്രീലേഷിനെതിരെ കേസെടുത്തു അന്വേഷണമാരംഭിച്ചത്. സംഭവത്തിനു ശേഷം ഇയാൾ ഒളിവിൽ പോവുകയായിരുന്നു മൊബൈൽ ഫോൺ ടവർ ലൊക്കേഷൻ പരിശോധിച്ചതിനു ശേഷമാണ് പൊലിസ് പ്രതിയെ പിടികൂടിയത്. പിടിയിലായ ശ്രീലേഷിനെ കണ്ണൂർ കോടതിയിൽ ഹാജരാക്കി റിമാൻഡ് ചെയ്തു.
കുത്തേറ്റു പരുക്കേറ്റ വിനോദ് കണ്ണൂരിലെ സ്വകാര്യ ആശുപത്രിയിൽ ചികിത്സയിലാണ്. വധശ്രമത്തിനാണ് പ്രതി ശ്രീലേഷിനെതിരെ കേസെടുത്തിട്ടുള്ളത്.ഒരുമാസം മുൻപ് മണത്തണയിലും ഇതിനുസമാനമായി മദ്യപിക്കുന്നതിനിടെയുണ്ടായ കലഹത്തെ തുടർന്ന് വയോധികന്റെ കുത്തേറ്റു യുവാവ് കൊല്ലപ്പെട്ടിരുന്നു.
