ഇയാളുടെ..കൂടെ ഇനി ജീവിക്കാൻ പറ്റില്ല എനിക്ക് 'ഡിവോഴ്സ്' വേണമെന്ന് ഭാര്യ; എല്ലാം നമുക്ക് സംസാരിച്ച് തീർക്കാമെന്ന ഭർത്താവിന്റെ ഉറപ്പും; വീട്ടിലെത്തി വാതിലടച്ചതും മകന്റെ മുന്നിലിട്ട് കൊടുംക്രൂരത; കലി കയറി മൂക്ക് വരെ കടിച്ചെടുത്ത് യുവാവ്; പോലീസെത്തിയപ്പോൾ സത്യം പുറത്ത്

ഝാബുവാ: വിവാഹമോചന ആവശ്യം ഉന്നയിച്ചതിനെത്തുടർന്ന് ഭാര്യയെ ക്രൂരമായി മർദിച്ച് മൂക്ക് കടിച്ചെടുത്ത സംഭവത്തിൽ ഭർത്താവ് അറസ്റ്റിൽ. മധ്യപ്രദേശിലെ ഝാബുവാ ജില്ലയിലെ റാണാപുർ പോലീസ് സ്റ്റേഷൻ പരിധിയിലുള്ള പാദൽവ ഗ്രാമത്തിലാണ് ഞെട്ടിക്കുന്ന സംഭവം നടന്നത്. 23 കാരിയായ യുവതിയെ ഭർത്താവ് രാകേഷ് ബിൽവൽ ആണ് അതിക്രൂരമായി ആക്രമിച്ചത്.

പോലീസ് നൽകുന്ന വിവരങ്ങൾ അനുസരിച്ച്, കഴിഞ്ഞ ദിവസം റാണാപുർ പോലീസ് സ്റ്റേഷനിലാണ് സംഭവം സംബന്ധിച്ച പരാതി ലഭിച്ചത്. യുവതിയെ ഭർത്താവ് ആക്രമിക്കുകയും മൂക്ക് അറുത്തുമാറ്റുകയും ചെയ്തതായാണ് പരാതിയിൽ പറയുന്നത്. ഉടൻ തന്നെ യുവതിയെ ആശുപത്രിയിൽ പ്രവേശിപ്പിച്ചു. മെഡിക്കോ-ലീഗൽ സർട്ടിഫിക്കറ്റ് (MLC) ലഭിച്ചതിന് ശേഷം പ്രതിക്കെതിരെ പോലീസ് എഫ്‌ഐആർ രജിസ്റ്റർ ചെയ്യുകയും അറസ്റ്റ് ചെയ്യുകയുമായിരുന്നു. പ്രതിയായ രാകേഷ് ബിൽവൽ നിലവിൽ ജുഡീഷ്യൽ കസ്റ്റഡിയിലാണ്.

പ്രാഥമിക അന്വേഷണത്തിൽ, ഭാര്യക്ക് മറ്റൊരാളുമായി ബന്ധമുണ്ടെന്ന സംശയമാണ് ഈ ക്രൂരകൃത്യത്തിലേക്ക് ഭർത്താവിനെ നയിച്ചതെന്ന് പോലീസ് അറിയിച്ചു. രാകേഷും ഭാര്യയും ജോലി ആവശ്യത്തിനായി ഗുജറാത്തിലായിരുന്നു താമസം. എന്നാൽ, അടുത്തിടെ ഇരുവരും തമ്മിൽ കുടുംബപരമായ കാര്യങ്ങളെ ചൊല്ലി തർക്കങ്ങളുണ്ടായതായും, ഇതേത്തുടർന്നാണ് ദമ്പതികൾ ചൊവ്വാഴ്ച ഝാബുവാ ജില്ലയിലെ സ്വന്തം ഗ്രാമമായ പാദൽവയിലേക്ക് മടങ്ങി എത്തിയതെന്നും പോലീസ് വൃത്തങ്ങൾ സൂചിപ്പിച്ചു.

ഗ്രാമത്തിലെ വീട്ടിലെത്തിയ ഉടൻതന്നെ ഭർത്താവ് തന്നെ മർദിക്കാൻ തുടങ്ങിയെന്ന് യുവതി നൽകിയ മൊഴിയിൽ പറയുന്നു. ഗുജറാത്തിൽ നിന്ന് മടങ്ങി വരുമ്പോൾ യുവതി വിവാഹമോചനത്തിന് ആവശ്യപ്പെട്ടിരുന്നു. ഇത് കൂടാതെ, വീട്ടിലെത്തി കുടുംബാംഗങ്ങളുമായി സംസാരിച്ച് പ്രശ്നം പരിഹരിക്കാമെന്ന് ഭർത്താവ് വാക്കുനൽകിയിരുന്നതായും യുവതി പരാതിയിൽ വ്യക്തമാക്കുന്നു. എന്നാൽ, വീട്ടിലെത്തിയ ഉടൻതന്നെ കൈയിൽ കരുതിയിരുന്ന വടി ഉപയോഗിച്ച് തന്നെ ക്രൂരമായി മർദിക്കുകയും തുടർന്ന് ബ്ലേഡ് ഉപയോഗിച്ച് മൂക്ക് അറുത്തുമാറ്റുകയുമായിരുന്നെന്ന് യുവതി പോലീസിന് നൽകിയ മൊഴിയിൽ വിശദീകരിക്കുന്നു. ഭർത്താവിൻ്റെ അതിക്രമം കണ്ട് മകൻ നിലവിളിച്ചിട്ടും അക്രമം തുടർന്നതായും യുവതി പറഞ്ഞു.

അതിദാരുണമായ സംഭവം നടന്നതിന് ശേഷം, സ്വയം ആശുപത്രിയിൽ എത്തിച്ചതും ഭർത്താവു തന്നെയാണെന്ന് യുവതിയുടെ മൊഴിയിലുണ്ട്. എന്നാൽ, വൈദ്യസഹായം ലഭ്യമാക്കിയ ശേഷം ഭർത്താവ് സംഭവ സ്ഥലത്തുനിന്ന് കടന്നുകളയുകയായിരുന്നു. ഈ സംഭവത്തെക്കുറിച്ചുള്ള കൂടുതൽ അന്വേഷണങ്ങൾ പോലീസ് പുരോഗമിച്ചുവരികയാണ്.