ഇ​രി​ട്ടി: അ​യ​ർ​ല​ൻ​ഡി​ലേ​ക്ക് ജോലി ശരിയാക്കി തരാമെന്ന് പറഞ്ഞ് തട്ടിപ്പ്. അ​യ​ർ​ല​ൻ​ഡി​ലേ​ക്ക് വീ​സ വാ​ഗ്ദാ​നം ചെ​യ്ത് ല​ക്ഷ​ങ്ങ​ൾ തട്ടിയെടുത്തെന്നാണ്‌ പരാതി. സംഭവത്തിൽ ക​രി​ക്കോ​ട്ട​ക്ക​രി പോ​ലീ​സ് കേ​സെ​ടു​ത്തിട്ടുണ്ട്.​ വ​ള്ളി​ത്തോ​ട് സെ​ന്‍റ് ജൂ​ഡ്ന​ഗ​ർ സ്വ​ദേ​ശി അ​ജി​യു​ടെ പ​രാ​തി​യി​ൽ ക​രി​ക്കോ​ട്ട​ക്ക​രി പാ​റ​യ്ക്കാ​പാ​റ സ്വ​ദേ​ശി ബി​ജോ​യ്‌ക്കെതിരെയാണ് പോ​ലീ​സ് കേസ് എടുത്തിരിക്കുന്നത്.

ഭാ​ര്യ​ക്കൊ​പ്പം അ​യ​ർ​ല​ൻ​ഡി​ൽ ജോ​ലി ചെ​യ്തി​രു​ന്ന ബി​ജോ​യ് അ​യ​ർ​ല​ൻ​ഡി​ലുള്ള ഒരു കാ​റ്റ​റിം​ഗ് സ്ഥാ​പ​ന​ത്തി​ൽ ജോ​ലി ത​ര​പ്പെ​ടു​ത്തി ന​ൽ​കാ​മെ​ന്ന് പ​റ​ഞ്ഞ് അ​ജി​യി​ൽ​നി​ന്നും മൂ​ന്നു സു​ഹൃ​ത്തു​ക്ക​ളി​ൽ നി​ന്നു​മാ​യി 9.46 ല​ക്ഷം രൂ​പ ത​ട്ടി​ എടുത്തെന്നാണ് പ്രധാന പരാതി.

കഴിഞ്ഞ വർഷം ഓ​ഗ​സ്റ്റിലായിരിന്നു തട്ടിപ്പ് നടന്നത്. അയർലൻഡിൽ ജോ​ലി ശ​രി​യാ​ക്കി ന​ൽ​കാ​ൻ മൂ​ന്ന​ര​ല​ക്ഷം രൂ​പ ന​ൽ​ക​ണം എന്നായിരുന്നു പ​റ​ഞ്ഞി​രു​ന്ന​ത്. ര​ണ്ട​ര​ല​ക്ഷം നാ​ട്ടി​ൽ നി​ന്നും ഒ​രു ല​ക്ഷം അ​യ​ർ​ല​ൻ​ഡി​ൽ എ​ത്തി​ക​ഴി​ഞ്ഞും ന​ൽ​കി​യാ​ൽ മ​തി​യെ​ന്നാ​ണ് ആദ്യം ഇ​വ​രെ അ​റി​യി​ച്ചി​രു​ന്ന​ത്.

ക​രാ​ർ പ്ര​കാ​രം പരാതി നൽകിയ വ്യക്തിയിൽ നി​ന്നും സു​ഹൃ​ത്തു​ക്ക​ളി​ൽ നി​ന്നു​മാ​യി ര​ണ്ട​ര​ല​ക്ഷം രൂ​പ വീ​തം പ​ല ത​വ​ണ​ക​ളാ​യി ബാ​ങ്ക് അ​ക്കൗ​ണ്ടി​ലൂ​ടെ കൈ​പ്പ​റ്റി​യെ​ന്നും പ​രാ​തി​യി​ൽ പറയുന്നു.

ഭാ​ര്യ​യു​മാ​യി പി​രി​ഞ്ഞ​തി​നെ​ത്തു​ട​ർ​ന്ന് ഇ​യാ​ളെ അ​യ​ർ​ല​ൻ​ഡി​ൽ​ നിന്നും പോ​ലീ​സ് അ​ഞ്ച് വ​ർ​ഷ​ത്തേ​ക്ക് പു​റ​ത്താ​ക്കി​യി​രു​ന്നു. പിന്നാലെ ഇ​ന്ത്യ​യി​ൽ എ​ത്തി​യ ശേ​ഷം അ​യ​ർ​ല​ൻ​ഡി​ലെ വാ​ട്സ് ആ​പ്പ് ന​മ്പ​ർ ഉ​പ​യോ​ഗി​ച്ചാ​ണ് ഇയാൾ ത​ട്ടി​പ്പ് ന​ട​ത്തി​യ​ത്.

അതേസമയം, കോ​ട്ട​യം, പ​യ്യാ​വൂ​ർ, കൊ​ട്ടി​യൂ​ർ എ​ന്നി​വി​ട​ങ്ങ​ളി​ലും സ​മാ​ന​മാ​യ ത​ട്ടി​പ്പു​ക​ൾ ന​ട​ത്തി​യി​ട്ടു​ണ്ടെ​ന്നാ​ണ് പുറത്തുവരുന്ന വിവരങ്ങൾ. ഇയാൾ പ​ണം ത​ട്ടി​യ​ശേ​ഷം ബംഗളൂരുവിൽ പോയി ആ​ഡം​ബ​ര ജീ​വി​തം ന​യി​ക്കു​ക​യാ​യി​രു​ന്നു​വെ​ന്നാ​ണ് കിട്ടുന്ന വിവരം. എന്തായാലും പോ​ലീ​സി​ൽ പരാതി നൽകിയ അടിസ്ഥാത്തിൽ സംഭവത്തിൽ കേസെടുത്തിട്ടുണ്ട്.

fake visairelandiritti

സ്വന്തം ലേഖകൻ