ഒരു കുട്ടിയുള്ള ചേവായൂര്‍ സ്വദേശിനിയെ പരിചയപ്പെട്ടത് മാട്രിമോണിയല്‍ സൈറ്റിലൂടെ; പല തവണ പീഡിപ്പിച്ചു; പത്ത് പവന്‍ സ്വര്‍ണവും ആറ് ലക്ഷം രൂപയും കൈക്കലാക്കി; യുവതിയെയും മകനെയും കൊല്ലുമെന്ന് ഭീഷണിയും; വെഞ്ഞാറമൂട് സ്വദേശി അറസ്റ്റില്‍
കോഴിക്കോട്: ചേവായൂര്‍ സ്വദേശിനിയായ യുവതിയെ വിവാഹ വാഗ്ദാനം നല്‍കി പീഡിപ്പിച്ച് സ്വര്‍ണവും പണവും കൈക്കലാക്കി മുങ്ങിയ യുവാവ് അറസ്റ്റില്‍. തിരുവനന്തപുരം വെഞ്ഞാറമൂട് സ്വദേശി പുത്തന്‍വീട്ടില്‍ ജിതിനെയാണ് (31)കോഴിക്കോട് ടൗണ്‍ പൊലീസ് പിടികൂടിയത്. ചേവായൂര്‍ സ്വദേശിനിയായ യുവതിയെ മാട്രിമോണിയല്‍ സൈറ്റ് വഴിയാണ് പ്രതി പരിചയപ്പെട്ടത്.തുടര്‍ന്ന് പല തവണ പീഡിപ്പിക്കുകയായിരുന്നു.
യുവതിയില്‍ നിന്ന് ജിതിന്‍ പത്ത് പവന്റെ സ്വര്‍ണാഭരണങ്ങളും ആറ് ലക്ഷം രൂപയും കൈക്കലാക്കിയിരുന്നു, ഇയാള്‍ വിവാഹ വാഗ്ദാനത്തില്‍ നിന്ന് പിന്‍മാറുകയായിരുന്നു. ഇത് ചോദ്യം ചെയ്തതോടെ ജിതിന്‍ യുവതിയെയും മകനെയും കൊല്ലുമെന്ന് ഭീഷണിപ്പെടുത്തിയതായും പരാതിയിലുണ്ട്. തുടര്‍ന്ന് നടത്തിയ അന്വേഷണത്തിലാണ് ഇയാളെ തിരുവനന്തപുരത്ത് നിന്ന് പൊലീസ് പിടികൂടിയത്. കോടതിയില്‍ ഹാജരാക്കിയശേഷം ജിതിനെ റിമാന്‍ഡ് ചെയ്തു.
