ക്രിസ്തുമസിന് ജയിൽ കേക്കിന് ബൾക്ക് ഓർഡർ കിട്ടി; കുക്ക് ചെയ്യുന്നതിനിടെ ഒരു ആഗ്രഹം; പോലീസുകാരുടെ കണ്ണുവെട്ടിച്ച് തടവുകാർ ചെയ്തത്; വയറ്റിളക്കവും ഛർദിയും മാറുന്നില്ല; ആരോഗ്യനില ഗുരുതരമായി; ഒടുവിൽ ദാരുണാന്ത്യം; കാര്യം പരിശോധിച്ചപ്പോൾ അറിഞ്ഞത് ഞെട്ടിപ്പിക്കുന്നത്; തലയിൽ കൈവച്ച് ഡോക്ടർമാർ; മൈസൂരു സെൻട്രൽ ജയിലിൽ നടന്നത്!

മൈസൂരു: ജയിലിൽ ക്രിസ്തുമസിനോട് അനുബന്ധിച്ച് ജയിൽ കേക്കിന് ബൾക്ക് ഓർഡർ കിട്ടിയതിന് പിന്നാലെ നടന്നത് അതിദാരുണ സംഭവം. മൈസൂരു സെൻട്രൽ ജയിലിലാണ് സംഭവം നടന്നത്.പോലീസുകാരുടെ കണ്ണുവെട്ടിച്ച് കേക്കിൽ ഉപയോഗിക്കുന്ന അമിതമായി കഴിച്ച മൂന്ന് തടവുകാർക്ക് ദാരുണാന്ത്യം. മൈസൂരു സെൻട്രൽ ജയിലിലാണ് സംഭവം നടന്നത്. ജയിലിലെ ബേക്കറി വിഭാഗത്തിൽ ജോലി ചെയ്തിരുന്ന മൂന്ന് തടവുകാരാണ് അതിദാരുണമായി മരിച്ചത്.

ഗുണ്ടിൽ പേട്ട് സ്വദേശിയും 36കാരനായ മാദേശ, കൊല്ലഗൽ സ്വദേശിയും 32കാരനുമായ നാഗരാജ, സകലേഷ്പൂർ സ്വദേശിയും 30കാരനുമായ രമേഷ് എന്നിവരാണ് മരിച്ചത്. മൈസൂരു സെൻട്രൽ ജയിലിലെ ബേക്കറിയിൽ ക്രിസ്തുമസിന് ലഭിച്ച ബൾക്ക് ഓർഡർ തയ്യാറാക്കുന്നതിന്റെ ചുമതലയിലുള്ള മൂന്ന് തടവുകാരാണ് മരിച്ചതെന്നാണ് ജയിൽ സൂപ്രണ്ട് അറിയിച്ചു.

ഇവർ ഡിസംബർ 26ന് തന്നെ ഛർദ്ദിയും വയറിളക്കവും അനുഭവപ്പെടുന്നതായി ഇവർ പരാതി നൽകിയിരുന്നു. ഇവർക്ക് പ്രാഥമിക ചികിത്സകൾ ജയിലിൽ തന്നെ വച്ച് നൽകിയ ശേഷം കെ ആർ ഹോസ്പിറ്റലിലേക്ക് മാറ്റുകയായിരുന്നു. എന്നാൽ കേക്ക് എസൻസ് രഹസ്യമായി കഴിച്ച കാര്യം ഇവർ ആരോടും പറഞ്ഞിരുന്നില്ല.

ജനുവരി 2ന് ആശുപത്രിയിൽ കാണാനെത്തിയ കുടുംബാംഗങ്ങളോടാണ് ഇവർ കേക്ക് എസൻസ് അമിത അളവിൽ കഴിച്ച കാര്യം വിശദമാക്കിയത്. ഇതിന് പിന്നാലെ ഇവരുടെ ചികിത്സയിൽ മാറ്റം വരുത്തിയെങ്കിലും രോഗാവസ്ഥ മൂർച്ഛിക്കുകയായിരുന്നു. തിങ്കളാഴ്ച മദേശയും ചൊവ്വാഴ്ച നാഗരാജയും രമേശ് ബുധനാഴ്ചയുമാണ് മരണത്തിന് കീഴടങ്ങിയത്.

സംഭവത്തിൽ മണ്ഡി പോലീസ് കേസെടുത്തിട്ടുണ്ട്. പോസ്റ്റ്മോർട്ടത്തിന് ശേഷം മൃതദേഹങ്ങൾ വീട്ടുകാർക്ക് വിട്ടുനൽകുമെന്ന് പൊലീസ് വിശദമാക്കി. സംഭവത്തിൽ മജിസ്ട്രേറ്റ് തല അന്വേഷണവും ആരംഭിച്ചിട്ടുണ്ട്. വിവിധ കേസുകളിലായി ജീവപര്യന്തം ശിക്ഷ ലഭിച്ച കുറ്റവാളികളാണ് മാദേശയും നാഗരാജയും. അതേസമയം, പീഡനക്കേസിൽ പത്ത് വർഷത്തെ തടവ് ശിക്ഷയാണ് രമേഷിന് ലഭിച്ചിരുന്നത്.