വീട്ടിൽ കളിക്കാൻ എത്തിയ കുട്ടിയെ കൂട്ടികൊണ്ട് പോകാനെത്തി; യുവതിയെ മുറിക്കുള്ളിൽ പൂട്ടിയിട്ട് പീഡിപ്പിച്ചു; വീണ്ടും വഴങ്ങണമെന്നും ഭീഷണി; ഇല്ലെങ്കിൽ ദൃശ്യങ്ങൾ പുറത്തുവിടുമെന്ന് മുന്നറിയിപ്പ്; വീട്ടമ്മയെ പീഡിപ്പിച്ച വ്‌ളോഗർക്ക് പറ്റിയത്!
തൃശൂർ: വീട്ടമ്മയെ പീഡിപ്പിച്ച കേസുമായി ബന്ധപ്പെട്ട് വ്‌ളോഗർ അറസ്റ്റിൽ. പിന്നാലെ വീഡിയോ പകർത്തി 32കാരനായ പ്രതി ഭീഷണിപ്പെടുത്തുകയും ചെയ്തു. മാരാംകോട് സ്വദേശി പടിഞ്ഞാക്കര ബിനീഷ് ബെന്നി (32) ആണ് അറസ്റ്റിലായത്. വീട്ടമ്മ നൽകിയ പരാതിയുടെ അടിസ്ഥാനത്തിലാണ് വെള്ളിക്കുളങ്ങര പോലീസ് ഇയാളെ പിടികൂടിയത്.
അഞ്ചുമാസം മുമ്പാണ് ഇയാൾ യുവതിയെ പീഡിപ്പിച്ച് ദൃശ്യങ്ങൾ പകർത്തിയത്. വീണ്ടും വഴങ്ങിയില്ലെങ്കിൽ ദൃശ്യങ്ങൾ പുറത്തുവിടുമെന്ന് ഭീഷണിപ്പെടുത്തിയതോടെയാണ് യുവതി പോലീസിൽ പരാതി നൽകിയത്.
അഞ്ച് മാസം മുൻപാണ് സംഭവം നടന്നത്. പ്രതിയുടെ വീട്ടിൽ കളിക്കാനായി എത്തിയ കുട്ടിയെ എടുക്കാനായി എത്തിയപ്പോൾ ആണ് വീട്ടമ്മയെ വ്‌ളോഗർ പീഡിപ്പിച്ചത്. ഇയാളുടെ വീട്ടിൽ വച്ച് യുവതിയെ മുറിക്കുള്ളിൽ അടച്ചിട്ട് പീഡിപ്പിക്കുകയും വീഡിയോ പകർത്തുകയും ആയിരുന്നു.
ഈ വിഡിയോ സാമൂഹിക മാധ്യമങ്ങളിൽ പ്രചരിപ്പിക്കുമെന്ന് ഭീഷണിപ്പെടുത്തി വീണ്ടും പീ‍‍ഡനത്തിന് ശ്രമിച്ചു. ഇതോടെ യുവതി ഭർത്താവിനെ വിവരം അറിയിച്ച് പൊലീസിൽ പരാതി നൽകി. ഇതറിഞ്ഞ ബിനീഷ് രക്ഷപ്പെടാൻ ശ്രമിക്കുമ്പോഴാണ് പോലീസ് കസ്റ്റഡിയിലെടുത്തത്.
ചാലക്കുടി മജിസ്ട്രേട്ട് അവധിയിൽ ആയിരുന്നതിനാൽ കൊടുങ്ങല്ലൂരിൽ ഹാജരാക്കുന്നതിനു കൊണ്ടുപോയ പ്രതി ഇടയ്ക്ക് വച്ച് പോലീസിനെ ആക്രമിച്ച് ഓടി രക്ഷപ്പെടാൻ ശ്രമിച്ചിരുന്നു. നേരത്തെയും സമാനമായ കേസുകൾ ഇയാൾക്കെതിരെ ഉണ്ട്. 2022 ൽ നിലമ്പൂരിൽ സ്ത്രീ പീഡനത്തിനും 2017 ൽ വീസ തട്ടിപ്പുമായി ബന്ധപ്പെട്ട് അതിരപ്പിള്ളി പോലീസ് സ്റ്റേഷനിലും ബിനീഷിന്റെ പേരിൽ കേസ് എടുക്കുകയും ചെയ്തിട്ടുണ്ട്.
