കുട്ടിയല്ലേ..വൃത്തികേട് കാണിച്ചത്...; ഞാൻ കേട്ടല്ലോ നിങ്ങൾ എന്നെ അങ്ങനെ വിളിച്ചത്; കള്ളം പറയല്ലേ..!!; ബെംഗളൂരു എയർപോർട്ടിൽ എത്തിയവരുടെ കാതിൽ പൊന്നീച്ച പറന്നു; എയർലൈൻ ജീവനക്കാരി യാത്രക്കാരനോട് ചെയ്തത്; ദൃശ്യങ്ങൾ വൈറൽ

ബെംഗളൂരു: ബെംഗളൂരു കെംപഗൗഡ അന്താരാഷ്ട്ര വിമാനത്താവളത്തിൽ ബോർഡിങ് നിഷേധിക്കപ്പെട്ടതിനെത്തുടർന്നുണ്ടായ തർക്കം സംബന്ധിച്ച വീഡിയോ സാമൂഹ്യ മാധ്യമങ്ങളിൽ വ്യാപകമായി പ്രചരിക്കുന്നു. വിമാനം പുറപ്പെടുന്നതിന് കൃത്യസമയത്ത് എത്താത്തതിനെ തുടർന്ന് യാത്രക്കാരന് ബോർഡിങ് നിഷേധിച്ചതാണ് സംഭവങ്ങൾക്ക് വഴിവെച്ചത്. യാത്രക്കാരൻ എയർലൈൻ ജീവനക്കാർ തന്നോട് അസഭ്യം പറഞ്ഞതായി ആരോപിച്ചപ്പോൾ, ജീവനക്കാർ ഈ ആരോപണം നിഷേധിച്ചു.

വിമാനം പുറപ്പെടുന്നതിന് 15 മിനിറ്റ് മുൻപാണ് താൻ ബോർഡിങ് ഗേറ്റിൽ എത്തിയതെന്ന് യാത്രക്കാരൻ അവകാശപ്പെട്ടതായി റിപ്പോർട്ടുകളുണ്ട്. എന്നാൽ, വിമാനം പുറപ്പെടുന്നതിന് 25 മിനിറ്റ് മുൻപ് ബോർഡിങ് ഗേറ്റ് അടയ്ക്കുമെന്നാണ് എയർലൈനിൻ്റെ നിയമം. ഈ നിയമം ലംഘിക്കപ്പെട്ടതിനെ തുടർന്നാണ് യാത്രക്കാരന് വിമാനത്തിൽ പ്രവേശനം നിഷേധിക്കപ്പെട്ടത്. വാക്കുതർക്കത്തിനിടെയാണ് വീഡിയോ ചിത്രീകരിച്ചിരിക്കുന്നത്. വീഡിയോയിൽ, യാത്രക്കാരൻ തന്നോട് മോശമായി പെരുമാറിയതായി ജീവനക്കാരെ ഉന്നയിക്കുന്നതും, ജീവനക്കാർ അത് നിഷേധിക്കുന്നതും കേൾക്കാം.

ടിക്കറ്റ് ബുക്ക് ചെയ്തിട്ടും വിമാനത്തിൽ കയറാൻ സാധിക്കാതെ വന്നതോടെ, യാത്രക്കാരന് മറ്റൊരു വിമാനത്തിൽ യാത്രാ സൗകര്യം ഒരുക്കാമെന്ന് ഇൻഡിഗോ ജീവനക്കാർ വാഗ്ദാനം ചെയ്തതായും സൂചനകളുണ്ട്. എക്സ് (മുൻപ് ട്വിറ്റർ) പ്ലാറ്റ്‌ഫോമിൽ പങ്കുവെച്ച ഈ വീഡിയോ, ഓൺലൈൻ ലോകത്ത് വലിയ ചർച്ചകൾക്ക് വഴിതുറന്നിട്ടുണ്ട്. ചില സാമൂഹ്യ മാധ്യമ ഉപയോക്താക്കൾ എയർലൈനിൻ്റെ ഭാഗത്ത് നിന്നുള്ള സമീപനത്തെ വിമർശിച്ചു രംഗത്തെത്തി. എന്നാൽ, വിമാനങ്ങൾ ട്രെയിനുകളെയും ബസുകളെയും പോലെ യാത്രക്കാർക്കായി കാത്തുനിൽക്കില്ലെന്നും, അതിനാൽ ഓരോ ഗതാഗത സംവിധാനങ്ങൾക്കും അതിൻ്റേതായ നിയമങ്ങൾ പാലിക്കാൻ യാത്രക്കാരും തയ്യാറാകണമെന്നും മറ്റുചിലർ വാദിച്ചു.

അതേസമയം, തങ്ങളുടെ ജീവനക്കാർ മോശം വാക്കുകൾ ഉപയോഗിച്ചു എന്ന ആരോപണം ഇൻഡിഗോ എയർലൈൻസും നിഷേധിച്ചു. വിമാനക്കമ്പനിയുടെ നിയമങ്ങൾ അനുസരിച്ച് കൃത്യസമയത്ത് ഗേറ്റിൽ എത്താൻ കഴിയാത്തതിനാലാണ് യാത്രക്കാരന് വിമാനം നഷ്ടപ്പെട്ടതെന്ന് എയർലൈൻ അധികൃതർ വ്യക്തമാക്കി. ജീവനക്കാർ സാധാരണ നടപടിക്രമങ്ങൾ മാത്രമാണ് പാലിച്ചതെന്നും അവർ കൂട്ടിച്ചേർത്തു.