'ഒന്നൂടി പറഞ്ഞോ.. ശക്തമായി തിരിച്ചുവരും'...; ജയിലിന് മുന്നിലും 'മണവാള'ന്റെ വക റീല്‍സ്; പൊലീസുകാര്‍ നോക്കി നില്‍ക്കെ ജയിലിന് മുന്നിലും വീഡിയോ ചിത്രീകരണം; മുഹമ്മദ് ഷെഹിന്‍ഷാ പിടിയിലായത് കോളജ് വിദ്യാര്‍ഥികളെ കാറിടിച്ചു കൊല്ലാന്‍ ശ്രമിച്ച കേസില്‍
ജയിലിന് മുന്നിലും 'മണവാള'ന്റെ വക റീല്‍സ്
തൃശൂര്‍: ജയിലിന് മുന്നിലും റീല്‍സുമായി യുട്യൂബര്‍ മണവാളന്‍. വിദ്യാര്‍ത്ഥികളെ കാറിടിച്ച് കൊലപ്പെടുത്താന്‍ ശ്രമിച്ച കേസില്‍ റിമാന്‍ഡിലായ മുഹമ്മദ് ഷെഹിന്‍ഷാ എന്ന മണവാളനെ ജയിലിലേക്ക് കൊണ്ട് വന്നപ്പോഴായിരുന്നു റീല്‍സ് എടുത്തത്. മണവാളന്‍ ജയിലില്‍ ആകുന്നതിന് തൊട്ടു മുമ്പായിരുന്നു ചിത്രീകരണം. പൊലീസുകാര്‍ നോക്കിനില്‍ക്കെയാണ് വീഡിയോ ചിത്രീകരിച്ചത്. ശക്തമായി തിരിച്ചുവരുമെന്ന് മണവാളനെക്കൊണ്ട് കൂട്ടുകാര്‍ പറയിക്കുന്നുമുണ്ട്.
'ഒന്നൂടി പറഞ്ഞോ.. ശക്തമായി തിരിച്ചുവരും'... എന്നായിരുന്നു മുഹമ്മദ് ഷെഹിന്‍ഷാ പറഞ്ഞത്. കോടതി ഉത്തരവ് പ്രകാരം ജയിലിലേക്ക് മാറ്റാന്‍ എത്തിച്ചപ്പോഴായിരുന്നു പൊലീസുകാര്‍ നോക്കി നില്‍ക്കെ മുഹമ്മദ് ഷെഹിന്‍ഷായും കൂട്ടുകാരുമാണ് റീല്‍സെടുത്തത്. കേരള വര്‍മ കോളജ് വിദ്യാര്‍ഥികളെ കാറിടിച്ചു കൊല്ലാന്‍ ശ്രമിച്ച കേസിലാണ് 'യൂട്യൂബര്‍ മണവാളന്‍' എന്ന് വിളിക്കുന്ന മുഹമ്മദ് ഷഹീന്‍ ഷാ റിമാന്‍ഡിലായത്. പ്രതിയെ ഇന്നലെ കുടകില്‍ നിന്ന് പിടികൂടിയിരുന്നു. കഴിഞ്ഞ ഏപ്രില്‍ 19നായിരുന്നു സംഭവം.
മോട്ടോര്‍ സൈക്കിളില്‍ യാത്ര ചെയ്തിരുന്ന വിദ്യാര്‍ഥികളെ കാറിടിച്ചു കൊല്ലാന്‍ ശ്രമിച്ചതിനു ശേഷം ഒളിവിലായിരുന്നു മണവാളന്‍ എന്ന മുഹമ്മദ് ഷഹീന്‍ ഷാ. കേരളവര്‍മ കോളജിന് സമീപത്തുണ്ടായ മദ്യപാന തര്‍ക്കത്തിലാണ് വിദ്യാര്‍ഥികളെ പിന്തുടര്‍ന്നെത്തി അപായപ്പെടുത്താന്‍ ശ്രമിച്ചത്. ഇയാള്‍ക്കെതിരെ തൃശൂര്‍ വെസ്റ്റ് പോലീസ് ലുക്ക്ഔട്ട് നോട്ടീസ് പുറപ്പെടുവിച്ചിരുന്നു. തൃശൂര്‍ എരനല്ലൂര്‍ സ്വദേശിയാണ് ഇയാള്‍.
പൂരദിവസം കേരള വര്‍മ്മ കോളജിന് സമീപം വിദ്യാര്‍ഥികളെ വണ്ടികയറ്റിക്കൊല്ലാന്‍ ശ്രമിച്ച കേസിലാണ് മണവാളന്‍ അറസ്റ്റിലായത്. 10 മാസം ഒളിവിലായിരുന്ന മണവാളനെ ഇന്നലെയാണ് തൃശൂര്‍ വെസ്റ്റ് പൊലീസ് കൊടകില്‍ നിന്ന് പിടികൂടുന്നതും കോടതി ഇന്ന് റിമാന്‍ഡ് ചെയ്യുന്നതും. . മോട്ടോര്‍സൈക്കിള്‍ യാത്ര ചെയ്യുകയായിരുന്നു വിദ്യാര്‍ത്ഥികളെ കാറിടിച്ചു കൊല്ലാന്‍ ശ്രമിച്ചതിനു ശേഷം ഒളിവില്‍ ആയിരുന്നു മുഹമ്മദ് ഷെഹീന്‍ ഷാ.
ഇയാള്‍ക്കെതിരെ തൃശൂര്‍ വെസ്റ്റ് പൊലീസ് ലുക്ക്ഔട്ട് നോട്ടീസ് പുറപ്പെടുവിച്ചിരുന്നു. തൃശ്ശൂര്‍ എരനല്ലൂര്‍ സ്വദേശിയാണ് മുഹമ്മദ് ഷെഹീന്‍ ഷാ എന്ന 26 കാരന്‍. യൂട്യൂബില്‍ 15 ലക്ഷം ഫോളോവേഴ്‌സ് ഉള്ള മണവാളന്‍ മീഡിയ എന്ന യൂട്യൂബ് ചാനലുടമയാണ്. കേരളവര്‍മ്മ കോളേജിന് സമീപത്തു വച്ച് മദ്യപാന തര്‍ക്കത്തിലാണ് വിദ്യാര്‍ത്ഥികളെ പിന്തുടര്‍ന്നെത്തി അപായപ്പെടുത്താന്‍ ശ്രമിച്ചത്. സംഭവത്തില്‍ പൊലീസ് കേസെടുത്തതിന് പിന്നാലെയാണ് മണവാളന്‍ ഒളിവില്‍ പോയത്.
മുഹമ്മദ് ഷെഹീന്‍ ഷായും സുഹൃത്തുക്കളും സംഘം ചേര്‍ന്ന് മദ്യപിച്ചശേഷം കാറില്‍ വരുകയായിരുന്നു. ഇതിനിടെ രണ്ട് കോളേജ് വിദ്യാര്‍ത്ഥികളുമായി വാക്കുതര്‍ക്കമുണ്ടായി. ബൈക്കില്‍ രക്ഷപ്പെടാന്‍ ശ്രമിച്ച വിദ്യാര്‍ത്ഥികളെ മണവാളനും സംഘവും കാറില്‍ പിന്തുടരുകയായിരുന്നു. മണവാളനായിരുന്നു കാര്‍ ഓടിച്ചത്. ഇതിനിടെ കാറുകൊണ്ട് വിദ്യാര്‍ത്ഥികള്‍ സഞ്ചരിച്ച ബൈക്ക് ഇടിച്ചുവീഴ്ത്തി. സംഭവത്തില്‍ പൊലീസ് കേസെടുത്തതിന് പിന്നാലെ ഒളിവില്‍ പോയ മുഹമ്മദ് ഷെഹീന്‍ ഷായെ പൊലീസിന് കണ്ടെത്താനായിരുന്നില്ല. കഴിഞ്ഞ മാസം 24നാണ് ലുക്കൗട്ട് നോട്ടീസ് ഇറക്കിയത്.
