കൊല്ലം: കൂട്ടിക്കടയിൽ വിൽപനയ്ക്കായി എത്തിച്ച 120 ചാക്ക് നിരോധിത പുകയില ഉത്പന്നങ്ങൾ എക്സൈസ് സംഘം പിടികൂടി. 15 ലക്ഷത്തിലധികം രൂപ വില വരുന്ന 1200 കിലോയിലധികം പാൻ മസാലയാണ് റെയ്ഡിൽ കണ്ടെടുത്തത്. സംഭവവുമായി ബന്ധപ്പെട്ട് ഒരാളെ അറസ്റ്റ് ചെയ്തിട്ടുണ്ട്. വടക്കേവിള അയത്തില്‍ ദേശത്ത് തൊടിയില്‍ വീട്ടില്‍ അന്‍ഷാദാണ് പിടിയിലായത്.

കൂട്ടിക്കട റെയിൽവേ ഗേറ്റിന് കിഴക്കുവശത്ത് നിന്നാണ് എക്സൈസ് സംഘം പിക്കപ്പ് വാനിൽ കടത്താൻ ശ്രമിക്കുകയായിരുന്ന പുകയില ഉത്പന്നങ്ങൾ പിടികൂടിയത്. ഹാൻസ്, ശംഭു, ഗണേഷ്, കൂൾ തുടങ്ങിയ ബ്രാൻഡുകളിൽപ്പെട്ടവയാണ് പിടിച്ചെടുത്തവയിൽ അധികവും. ജില്ലയുടെ വിവിധ ഭാഗങ്ങളിൽ വിൽപന നടത്താനാണ് ഇവ കൊണ്ടുവന്നതെന്ന് സംശയിക്കുന്നു.

എക്സൈസ് റേഞ്ച് ഓഫീസിലെ എക്സൈസ് ഇൻസ്‌പെക്ടർ ശ്രീലക്ഷ്മി വി.കെ.യുടെ നേതൃത്വത്തിലുള്ള സംഘമാണ് റെയ്ഡ് നടത്തിയത്. എക്സൈസ് ഇൻസ്‌പെക്ടർ ഗ്രേഡ് നിഷാദ് എസ്, സിവില്‍ എക്‌സൈസ് ഓഫീസർമാരായ മുഹമ്മദ് ഷെഹിൻ എം, അർജുൻ, മുഹമ്മദ് സഫർ, സിജു രാജ് എന്നിവരും റെയ്ഡിൽ പങ്കെടുത്തു.

കൊല്ലംകൂട്ടിക്കടനിരോധിത പുകയില ഉത്പന്നങ്ങൾപിടികൂടി

സ്വന്തം ലേഖകൻ