സംഘപരിവാർ പ്രസ്ഥാനങ്ങൾക്കായി 50 വർഷത്തെ പ്രവർത്തനം; സന്തോഷം പങ്ക് വെച്ച് ബി.ജെ.പി സംസ്ഥാന വൈസ് പ്രസിഡന്റ് അഡ്വ.ബി.ഗോപാലകൃഷ്ണൻ

തിരുവനന്തപുരം: സംഘപരിവാർ പ്രസ്ഥാനങ്ങൾക്കായി 50 വർഷത്തെ പ്രവർത്തനം പൂർത്തിയാക്കി ബി.ജെ.പി സംസ്ഥാന വൈസ് പ്രസിഡന്റ് അഡ്വ.ബി.ഗോപാലകൃഷ്ണൻ. ഫേസ്ബുക്ക് പോസ്റ്റിലൂടെയാണ് അദ്ദേഹം ഈക്കാര്യം വെളിപ്പെടുത്തിയിരിക്കുന്നത്. ഒൻപതാം വയസ്സിലാണ് ആർ.എസ്.എസ് എന്ന ദേശീയ പ്രസ്ഥാനത്തിനോടൊപ്പം പ്രവർത്തനം ആരംഭിക്കുന്നതെന്നും, സംഘ പ്രവർത്തനത്തിൽ സുപ്രധാനമായ വിവിധ ചുമതലകളിൽ പ്രവർത്തിക്കാൻ സാധിച്ചതായും അദ്ദേഹം വ്യക്തമാക്കുന്നു. വരും തലമുറകൾ ഈ മണ്ണിൽ സുരക്ഷിതമായി ജീവിക്കണമെങ്കിൽ അന്തിമ വിജയം വരെ പോരാടണമെന്നും, ആ പോരാട്ടത്തിൽ തന്നോടൊപ്പവും, ബിജെപിക്കൊപ്പവും എല്ലാവരും ഉണ്ടാവണമെന്നും അദ്ദേഹം ഫേസ്‌ബുക് പോസ്റ്റിലൂടെ ആവശ്യപ്പെടുന്നു.

ഫേസ്ബുക് പോസ്റ്റിന്റെ പൂർണ രൂപം

സംഘ പ്രസ്ഥാനങ്ങൾക്ക് ഒപ്പം നീണ്ട 50 വർഷങ്ങൾ..

9ആം വയസ്സിൽ RSS എന്ന ദേശീയ പ്രസ്ഥാനത്തിന്റെ കൈപിടിച്ച് നടന്നു തുടങ്ങിയ നീണ്ട 50 വർഷങ്ങൾ.. 1982 - 85 കാലം SFI കൊടികുത്തി വാണ കാലം സഖാവ് ബാലൻ എന്ന കേരളവർമ്മയിലെ SFI വിദ്യാർത്ഥി കൊല ചെയ്യപ്പെട്ടതുമായി ബന്ധപ്പെട്ട് സഹോദരി ശാന്തയുടെ ശക്തമായ എതിർ പ്രചരണത്തിൽ KSU ഒന്നാകെ തോറ്റപ്പോൾ ഏറ്റവും കൂടുതൽ വോട്ട് നേടി കേരള വർമ്മയുടെ ചരിത്രത്തിൽ ആദ്യമായി കോളേജ് യൂണിയൻ തിരഞ്ഞെടുപ്പിൽ എബിവിപി എന്ന ദേശീയ വിദ്യാർത്ഥി സംഘടനയുടെ പ്രധിനിധിയായി ഞാൻ തിരഞ്ഞെടുപ്പിൽ വിജയിച്ചു..

അന്ന് ചുവപ്പൻ ഗുണ്ടകളുടെ ക്രൂര പീഡനം ഏറ്റു എന്റെ കാലുകൾക്ക് കാര്യമായ പരിക്ക് ഉണ്ടായി.. RSS എന്ന ദേശീയ പ്രസ്ഥാനം കൈ പിടിച്ചു വളർത്തിയ എനിക്ക് എന്നും വലുത് എന്റെ ധർമ്മവും രാജ്യവും എന്റെ പ്രസ്ഥാനവും ആയിരുന്നു.. സംഘ പ്രവർത്തനത്തിൽ ജില്ല ബൗദ്ധിക്യ പ്രമുഖ്,, നഗർ കാര്യവാഹ് :... സ്വദേശി ജാഗരണ മഞ്ച് സംസ്ഥാന സഹകൺവീനർഎബിവിപി യിലും യുവമോർച്ചയിലും സംസ്ഥാന ചുമതലകളും..പിന്നീട് ബിജെപിലും തൃശൂർ ജില്ലയിൽ മണ്ഡലം മുതൽ ഉള്ള വിവിധ ചുമതലകൾ ബിജെപി ജില്ല ജനറൽ സെക്രട്ടറി ആയും ജില്ലാ പ്രസിഡന്റ്‌ ആയും.. ബിജെപി സംസ്ഥാന സെക്രട്ടറി ആയും സംസ്ഥാന വക്താവ് ആയും ഇപ്പോൾ സംസ്ഥാന വൈസ് പ്രസിഡന്റ്‌ ആയും അന്നും ഇന്നും എന്നും പ്രസ്ഥാനത്തിന്റെ വിശ്വസ്തനായി പൊതുമണ്ഡലത്തിൽ യാത്ര തുടരുകയാണ്..യുവമോർച്ച സംസ്ഥാന സെക്രട്ടറിയായിരുന്ന കാലത്ത് BJP ആഹ്വാനം അനുസരിച്ച് ജയലളിതയെ ഗുരുവായൂരിൽ തടഞ്ഞത് എൻ്റെ നേതൃത്വത്തിൽ 10 പേർ അന്ന് കരിപൂച്ചകളുടെ തോക്ക് എൻ്റെ ചങ്കിനു നേരെ വച്ചത് മാതൃഭൂമി മുൻ പേജിൽ ഫോട്ടോയോടെ പ്രധാന വാർത്ത ആക്കി..