മധ്യവയസ്‌ക വീടിനുള്ളില്‍ മരിച്ച നിലയില്‍; ശരീരത്തിലുണ്ടായിരുന്ന സ്വര്‍ണം മോഷണം പോയതായി റിപ്പോര്‍ട്ട്: തമിഴ്‌നാട്ടിലേക്ക് കടക്കാന്‍ ശ്രമിച്ച മരുമകനെ പിടികൂടി പോലിസ്

കോഴിക്കോട്: മധ്യവയസ്‌കയായ അമ്മയെ വീടിനുള്ളില്‍ മരിച്ച നിലയില്‍ കണ്ടെത്തി. തിരുവണ്ണൂര്‍ സ്വദേശി ആസ്മാബിയാണ്(55) മരിച്ചത്. പയ്യടി മേത്തല്‍ ജി.എല്‍.പി. സ്‌കൂളിനു സമീപം സി.പി. ഫ്‌ലാറ്റിലാണ് സംഭവം. നാലു വര്‍ഷമായി വാടക വീട്ടിലാണ് ഇവരുടെ താമസം. ഇന്നലെ രാത്രി ജോലി കഴിഞ്ഞെത്തിയ മകളാണ് അമ്മ മരിച്ചു കിടക്കുന്നത് കണ്ടത്. ആസ്മാബിയുടെ കഴുത്തിലെ മാലയും വളയും മറ്റും മോഷണം പോയ നിലയിലാണ്. സംഭവത്തില്‍ പന്തീരാങ്കാവ് പൊലീസ് അന്വേഷണം തുടങ്ങി.

അതേസമയം പ്രതിയെന്ന് സംശയിക്കുന്ന അസ്മാബിയുടെ മരുമകനെ പൊലീസ് പിടികൂടി. കാരക്കോണം സ്വദേശി മുഹമൂദ് (39) പിടിയിലായത്. തമിഴ് നാട്ടിലേയ്ക്ക് കടക്കാന്‍ ശ്രമിക്കുന്നതിനിടെ രാത്രി 11 മണിയോടെയാണ് പൊലീസ് ഇയാളെ പിടികൂടിയത്.