- HOME
- NEWS
- POLITICS
- SPORTS
- CINEMA
- CHANNEL
- MONEY
- RELIGION
- INTERVIEW
- SCITECH
- OPINION
- FEATURE
- MORE
തീവണ്ടിയില് എക്സൈസും ആര്.പി.എഫും ചേര്ന്ന് പരിശോധന; പിടികൂടിയത് 8.2 കിലോഗ്രാം കഞ്ചാവ്; രണ്ട് ഒഡീഷ സ്വദേശികള് പിടിയില്; പിടികൂടിയത് ചെന്നൈ സൂപ്പര്ഫാസ്റ്റ് മെയിലില് നിന്നും
വടകര: തീവണ്ടിയില് എക്സൈസും ആര്.പി.എഫും ചേര്ന്ന് നടത്തിയ പരിശോധനയില് 8.2 കിലോഗ്രാം കഞ്ചാവുമായി രണ്ടുപേര് പിടിയിലായി. ഒഡീഷ സ്വദേശികളായ അജിത്ത് നായക് (26), ലക്ഷ്മണ് നായക് (27) എന്നിവരെയാണ് ചെന്നൈ സൂപ്പര്ഫാസ്റ്റ് മെയിലില് നിന്നും പിടികൂടിയത്. ശനിയാഴ്ച രാവിലെ 8.30ന് വടകര റെയില്വേ സ്റ്റേഷനില് എത്തിയപ്പോഴാണ് തീവണ്ടിയില് പരിശോധന നടത്തിയത്. തളിപ്പറമ്പ് മേഖലയില് മരപ്പണിക്കാരായി ജോലി ചെയ്യുന്ന ഇരുവരും വടകരയില് ഒരാള്ക്ക് കൈമാറാനാണ് കഞ്ചാവ് കൊണ്ടുവന്നതെന്നാണ് പ്രാഥമിക അന്വേഷണത്തില് വ്യക്തമായിരിക്കുന്നത്.
ഇവരുടെ പിന്നില് വലിയ ഒരു മാഫിയ പ്രവര്ത്തിക്കുകയാണോ എന്ന സംശയത്തിലാണ് എക്സൈസ്. വടകരയിലേക്ക് കഞ്ചാവ് എത്തിച്ച് പ്രദേശത്ത് വിതരണം ചെയ്യുന്ന മുഖ്യ വഴിയാളിനെ കണ്ടെത്താന് കൂടുതല് അന്വേഷണം ആരംഭിച്ചിരിക്കുകയാണ്. എക്സൈസ് സര്ക്കിള് ഇന്സ്പെക്ടര് വി.ആര്. ഹിരോഷ്, അസിസ്റ്റന്റ് എക്സൈസ് ഇന്സ്പെക്ടര് പ്രമോദ് പുളിക്കൂല്, ആര്.പി.എഫ് ഇന്സ്പെക്ടര് ഉപേന്ദ്രകുമാര്, അസിസ്റ്റന്റ് ഇന്സ്പെക്ടര് ടി.പി. ബിനീഷ് എന്നിവരുടെ നേതൃത്വത്തിലായിരുന്നു പരിശോധന. സംഭവവുമായി ബന്ധപ്പെട്ട് കൂടുതല് അന്വേഷണം തുടരുകയാണെന്ന് അധികൃതര് അറിയിച്ചു.