കണ്ണൂർ: ദേഹാസ്വാസ്ഥ്യത്തെ തുടർന്ന് ആശുപത്രിയിൽ പ്രവേശിപ്പിച്ച സ്പീക്കർ എ എൻ ഷംസീറിന്റെ ആരോഗ്യനില തൃപ്തികരമായ തിനെ തുടർന്ന് ഇന്ന് രാവിലെ ആശുപത്രി വിട്ടു. സ്പീക്കറുടെ ആരോഗ്യ നില പൂർണമായി തൃപ്തികരമാണെന്ന് തലശേരി സഹകരണ ആശുപത്രിയിലെ ഡോക്ടർമാർ മെഡിക്കൽ ബുള്ളറ്റിനിലൂടെ അറിയിച്ചു.

അമിത രക്തസമ്മർദത്തെ തുടർന്നാണ് സ്പീക്കറെ ഇന്നലെ രാത്രി എട്ടു മണിയോടെ തലശേരി സഹകരണ ആശുപത്രിയിൽ പ്രവേശിപ്പിച്ചത്. സ്പീക്കർക്ക് പൂർണ വിശ്രമത്തിന് നിർദ്ദേശിച്ചിട്ടുണ്ടെന്ന് മെഡിക്കൽ ടീമിനെ നയിച്ച ഡോ ശ്രീജിത്ത് പറഞ്ഞു. സ്പീക്കറുടെ എല്ലാപൊതു പരിപാടികളുംമാറ്റി വെച്ചിട്ടുണ്ട്.

ഇന്നലെ രാത്രി എട്ടു മണിയോടെയാണ് സ്പീക്കർ എ എൻ ഷംസീറിന് ദേഹാസ്വാസ്ഥ്യം അനുഭവപ്പെട്ടത്. തിരുവനന്തപുരത്തുനിന്നും കണ്ണൂരേക്ക് എത്തിയതായിരുന്നു സ്പീക്കർ. രക്തസമ്മർദം ഉയർന്നതാണ് അസ്വസ്ഥതയ്ക്ക് കാരണമായതെന്നും ഡോക്ടർമാർ പറഞ്ഞു.