ബൈക്ക് നിയന്ത്രണം വിട്ട് ലോറിക്കടിയിലേക്ക് വീണു; ചക്രം തലയിലൂടെ കയറിയിറങ്ങി; കൊല്ലം ആശ്രാമം പൂജാരിക്ക് ദാരുണാന്ത്യം

കൊല്ലം: കൊല്ലം കടപ്പാക്കടയിൽ വാഹനത്തിന്റെ നിയന്ത്രണം വിട്ട് ഉണ്ടായ അപകടത്തിൽ യുവാവിന് ദാരുണാന്ത്യം. അപകടത്തിൽ ആശ്രാമം ശ്രീകൃഷ്ണസ്വാമി ക്ഷേത്രത്തിലെ പൂജാരി സഞ്ജീവ് കുമാർ ആണ് മരിച്ചത്.

സഞ്ജീവ് സഞ്ചരിച്ചിരുന്ന സ്കൂട്ടറിന്റെ നിയന്ത്രണം നഷ്ടപ്പെട്ട് റോഡിലേക്ക് വീണു. ആ സമയം സമീപത്തു കൂടി എത്തിയ ലോറി സഞ്ജീവിൻ്റെ തലയിലൂടെ കയറിയിറങ്ങി. അപകടത്തിൽ യുവാവ് സംഭവസ്ഥലത്ത് വെച്ച് തന്നെ മരണപ്പെടുകയായിരുന്നു. മൃതദേഹം പാരിപ്പള്ളി മെഡിക്കൽ കോളേജിലേക്ക് മാറ്റിയിരിക്കുകയാണ്.