തിരുവനന്തപുരം: ടിപ്പർ ലോറിക്കുപിന്നിൽ ബൈക്കിടിച്ച് യുവാവ് മരിച്ചു. കല്ലിയൂർ കാക്കാമൂല റ്റി.എം. സദനത്തിൽ അർജുൻ (ശംഭു -21) ആണ് മരിച്ചത്. തിരുവല്ലം - പാച്ചല്ലൂർ റോഡിൽ കുളത്തിൻകര ശ്രീഭദ്രകാളി ക്ഷേത്രത്തിന് മുൻവശത്ത് ഞായറാഴ്ച രാത്രി ആയിരുന്നു അപകടം.

മൂന്നുപേർ ബൈക്കിലുണ്ടായിരുന്നു. മരിച്ച അർജുനൊപ്പം ഉണ്ടായിരുന്ന രണ്ടുപേരുടെയും പരിക്ക് ഗുരുതരമാണ്. കാക്കാമൂല സ്വദേശി ശ്രീദേവ് (21), വെണ്ണിയൂർ നെല്ലിവിള ഗ്രേസ് നഗറിൽ അമൽ (21) എന്നിവരാണ് പരിക്കേറ്റ് ചികിത്സയിൽ കഴിയുന്നത്. ഇരുവരും വണ്ടിത്തടം എ.സി.ഇ കോളേജിലെ എൻജിനിയറിങ് വിദ്യാർത്ഥികളാണ്.