സ്വകാര്യ ബസും ബൈക്കും കൂട്ടിയിടിച്ച് അപകടം; ബൈക്ക് യാത്രക്കാരന് പരിക്ക്; സംഭവം കോഴിക്കോട്

കോഴിക്കോട്: ബസും ബൈക്കും കൂട്ടിയിടിച്ച് അപകടം. കോഴിക്കോട് മാവൂർ പന്തീരങ്കാവിന് സമീപം പന്നിയൂർക്കുളത്താണ് സംഭവം നടന്നത്.

സംഭവത്തിൽ ബൈക്ക് യാത്രക്കാരന് സാരമായി പരിക്കേറ്റു. അറപ്പുഴ സ്വദേശി മുഹമ്മദ് സ്വാലിഹിനാണ് പരിക്ക് പറ്റിയത്.

ഇന്ന് രാവിലെ പത്ത് മണിയോടെയായിരുന്നു അപകടം നടന്നത്. പെരുമണ്ണ ഭാഗത്ത് നിന്നും കോഴിക്കോട്ടേക്ക് പോകുകയായിരുന്ന സ്വകാര്യ ബസും എതിർദിശയിൽ വന്ന ബൈക്കും കൂട്ടിയിടിക്കുകയായിരുന്നു. സംഭവ സ്ഥലത്ത് പോലീസെത്തി മേൽനടപടികൾ സ്വീകരിച്ചു.