തൃശൂരിൽ റോഡിലെ കുഴിയിൽ വീണ് അപകടം; സ്കൂട്ടർ യാത്രക്കാരന് പരിക്ക്; അടിയന്തിര ശസ്ത്രക്രിയക്ക് വിധേയനാക്കി

തൃശൂർ: തൃശൂരിൽ റോഡിലെ കുഴിയിൽ വീണ് അപകടം. സംഭവത്തിൽ സ്കൂട്ടർ യാത്രക്കാരന് പരിക്ക്. സന്തോഷ് കെ. മേനോന് (46) ആണ് പരിക്കേറ്റത്. തൃശൂർ പൂങ്കുന്നത്ത് റോഡിലെ കുഴിയിൽ വീണാണ് അപകടം ഉണ്ടായത്.

വീഴചയുടെ ആഘാതത്തിൽ സന്തോഷിന്‍റെ പല്ല് കൊഴിഞ്ഞതായും റിപ്പോർട്ടുകൾ ഉണ്ട്. അദ്ദേഹത്തിന്റെ താടിയെല്ലിനും പൊട്ടലുണ്ട്. പിന്നാലെ പരിക്കേറ്റയാളെ ആശുപത്രിയിൽ പ്രവേശിപ്പിച്ച് അടിയന്തിര ശസ്ത്രക്രിയക്ക് വിധേയനാക്കുകയും ചെയ്തു.

വ്യാഴാഴ്‌ച രാത്രിയാണ് സംഭവം നടന്നത്. തലയ്ക്ക് മുറിവേറ്റ സന്തോഷിന് പല്ലിനും താടിയെല്ലിനും ഗുരുതര പരിക്കേറ്റിട്ടുണ്ടെന്നാണ് വിവരങ്ങൾ ലഭിക്കുന്നത്. ഏറെ അപകടം നിറഞ്ഞ വഴിയാണ് തൃശൂർ – കുന്നംകുളം റോഡ്. നിറയെ കുഴികളുള്ള റോഡിനൊപ്പം ലോറികളുടെയും ബസുകളുടെയും മരണപാച്ചിലും വലിയ ഭീഷണിയാണ്.