ആലക്കോട്: ജീപ്പ് നിയന്ത്രണം വിട്ട് മറിഞ്ഞ് ഡ്രൈവർ മരിച്ചു. മൂന്ന് പേർക്ക് പരിക്കേറ്റു. ഇന്ന് രാവിലെ 10.15 ന് വെള്ളാട് പാറ്റാക്കളത്താണ് അപകടം. ജീപ്പ് ഡ്രൈവർ മൈലംപെട്ടിയിലെ കോരനാണ്(78) മരിച്ചത്.

മൈലംപെട്ടിയിൽ നിന്ന് കരുവഞ്ചാലിലേക്ക് വരികയായിരുന്ന ജീപ്പ് നിയന്ത്രണം വിട്ട് സമീപത്തെ കൃഷിയിടത്തിലേക്ക് മറിഞ്ഞ് താഴത്തെ റോഡിലേക്ക് തലകീഴായി പതിക്കുകയായിരുന്നു യാത്രക്കാരായ മൈലം പെട്ടിയിലെ കേളപ്പൻ (55),ആയിച്ചൻ (80), വിനീത (30) എന്നിവർക്കാണ് പരിക്കേറ്റത്. ഇവരെ ആശുപത്രിയിൽ പ്രവേശിപ്പിച്ചു. ജീപ്പിനടിയിൽ കുടുങ്ങിപ്പോയവരെ നാട്ടുകാരും പൊലിസും ചേർന്നാണ് പുറത്തെടുത്തത്.