പന്തളം: പിക് അപ് വാനുമായി കൂട്ടിയിടിച്ച് സ്‌കൂട്ടർ യാത്രക്കാരനായ യുവാവ് മരിച്ചു. സഹയാത്രികന് പരുക്കേറ്റു. മുടിയൂർക്കോണം വിജയലക്ഷ്മിവിലാസം രാധാകൃഷ്ണന്റെ മകൻ ഹരി എന്ന് വിളിക്കുന്ന ആകാശ് (19) ആണ് മരിച്ചത്. കുരമ്പാല തെങ്ങു വിളയിൽ അഭിജിത്തിനെ (19) പരുക്കുകളോടെ ആശുപത്രിയിൽ പ്രവേശിപ്പിച്ചു.

വ്യാഴം ഉച്ചയ്ക്ക് 12.30 ന് പന്തളം-മാവേലിക്കര റോഡിൽ പൂളയിൽ മുക്കിന് സമീപമായിരുന്നു അപകടം. ബൈക്ക് യാത്രികർ പന്തളം ഭാഗത്തേക്ക് വരികയായിരുന്നു. വിജയലക്ഷ്മിയാണആകാശിന്റെ മാതാവ്. സഹോദരങ്ങൾ: അജയ്, ആദർശ്. മൃതദേഹം അടുർ ജനറൽ ആശുപത്രി മോർച്ചറിയിൽ.