ക്രഷറിലെ വാട്ടർ ടാങ്കിൽ വീണ് ലോറി ഡ്രൈവർ മരിച്ചു

കണ്ണൂർ: മട്ടന്നൂരിലെ ക്രഷറിലെ വാട്ടർ ടാങ്കിൽ വീണ് ലോറി ഡ്രൈവർ മരിച്ചു. കാപ്പാട് അരക്കിണർ സ്വദേശി സുകേഷാ(50)ണ് മരിച്ചത്. കഴിഞ്ഞദിവസം വൈകീട്ട് വെള്ളിയാംപറമ്പ് സമ്പത്ത് ക്രഷറിലാണ് സംഭവം. ക്രഷറിലെ ലോറി ഡ്രൈവറായ സുകേഷ് വാട്ടർ ടാങ്കിൽ വീഴുകയായിരുന്നു.

മട്ടന്നൂർ അഗ്‌നിരക്ഷാ സേനയെത്തി പുറത്തെടുത്തപ്പോഴേക്കും മരിച്ചിരുന്നു. മൃതദേഹം പോസ്റ്റ്‌മോർട്ടത്തിനായി കണ്ണൂർ ജില്ലാ ആശുപത്രിയിലേക്ക് മാറ്റി. പരേതനായ ഗോവിന്ദന്റെയും രോഹിണിയുടെയും മകനാണ്. ഭാര്യ: രേഷ്മ. മക്കൾ : സിദ്ധാർത്ഥ് (പിലാത്തറ പോളിടെക്‌നിക്ക് രണ്ടാം വർഷ വിദ്യാർത്ഥി) , ആറു മാസം പ്രായമായ പെൺകുഞ്ഞുമുണ്ട് . സഹോദരി സുഷമ.