പൂട്ട് തകർത്ത് വർക്ക് ഷോപ്പിൽ കയറും; എൻജിൻ ഉൾപ്പെടെയുള്ള സാധനങ്ങൾ നൈസായിട്ട് മുക്കും; ഒടുവിൽ കുടുങ്ങിയത് മൂന്നാം കണ്ണിൽ; മോഷണ കേസിൽ യുവാവ് പിടിയിലായത് ഇങ്ങനെ

തിരുവനന്തപുരം: തലസ്ഥാനത്ത് ഉള്ള വിവിധ വർക്ക് ഷോപ്പുകളിൽ നിന്നും സ്പെയർപാർട്സ് ഉൾപ്പടെ മോഷ്ടിച്ച് മറിച്ച് വിൽപ്പന നടത്തിയിരുന്ന പ്രതിയെ പോലീസ് അറസ്റ്റ് ചെയ്തു. നിരവധി വാഹന മോഷണ കേസുകളിലേയും കാണിക്കവഞ്ചി കവർച്ചാ കേസുകളിലേയും പ്രതിയായ നെടുമങ്ങാട് കൊല്ലങ്കാവ് സ്വദേശി ജിബിനെയാണ് (28 ) നെടുമങ്ങാട് പോലീസ് പിടികൂടിയത്.

നെടുമങ്ങാട് ആറ്റിങ്ങൽ, നെയ്യാറ്റിൻകര ഭാഗങ്ങളിൽ വർക്ക്ഷോപ്പുകളിൽ നടന്ന മോഷണവുമായി ബന്ധപ്പെട്ട അന്വേഷണത്തിലാണ് ഇയാളെ നെടുമങ്ങാട് വച്ച് അറസ്റ്റു ചെയ്തത്. കല്ലമ്പാറ, കൊല്ലങ്കാവ്, പനവൂർ, പോത്തൻകോട് തുടങ്ങിയ സ്ഥലങ്ങളിലെ വർക്ക്ഷോപ്പുകളിൽ നിന്ന് ബാറ്ററികൾ, ഡ്രില്ലിംഗ് മെഷീൻ, കട്ടിംഗ് മെഷീൻ, മറ്റ് ഉപകരണങ്ങൾ എന്നിവ കവർന്നതായി പ്രതി സമ്മതിക്കുകയും ചെയ്തിട്ടുണ്ട്.