വീട്ടിൽ നിന്ന് വാർപ്പും ഉരുളിയും മോഷ്ടിച്ചു; പ്രതിയെ അറസ്റ്റ് ചെയ്ത് പോലീസ്; സംഭവം മല്ലപ്പള്ളിയിൽ

മല്ലപ്പള്ളി: അടച്ചിട്ടിരുന്ന വീട്ടിൽനിന്ന് ഓട്ടുവാർപ്പും ഉരുളിയും മോഷ്ടിച്ച പ്രതിയെ പെരുമ്പട്ടി പോലീസ് അറസ്റ്റ് ചെയ്തു. കോട്ടങ്ങൽ സ്വദേശി കെ.ആർ. രഞ്ജിത്ത് (36) ആണ് പിടിയിലായത്. കോട്ടങ്ങൽ പനച്ചി വെള്ളിക്കര ബേബി ജോസഫിന്റെ വീട്ടിൽനിന്നാണ് മോഷണം നടന്നത്.

പ്രതി അയൽവാസിയും വീട്ടുകാരുമായി സഹകരിച്ചുവരുന്നയാളുമാണ്. അന്വേഷണത്തിൽ, പ്രതി മോഷ്ടിച്ച ഉരുളി എരുമേലി തെക്ക് താഴത്ത് വീട്ടിൽ മുഹമ്മദ് സാലിയുടെ കച്ചവടസ്ഥാപനത്തിൽ വിറ്റതായി പോലീസ് കണ്ടെത്തി. ഇൻസ്‌പെക്ടർ ബി. സജീഷ് കുമാറിന്റെ നേതൃത്വത്തിലുള്ള സംഘമാണ് പ്രതിയെ പിടികൂടിയത്.