പാലക്കാട്: വാളയാർ എക്സൈസ് ചെക്ക് പോസ്റ്റിൽ നിന്ന് 22 ഗ്രാം മെത്താംഫിറ്റാമിൻ ലഹരിമരുന്ന് പിടികൂടി. ബംഗളൂരുവിൽ നിന്ന് കൊച്ചിയിലേക്ക് സർവീസ് നടത്തുന്ന ബസിൽ കടത്താൻ ശ്രമിച്ച യുവാവിനെ അധികൃതർ അറസ്റ്റ് ചെയ്തു. ഇന്നലെ വൈകുന്നേരം നാലുമണിയോടെയാണ് സംഭവം.

പാലക്കാട് ഐബിയും വാളയാർ ചെക്ക് പോസ്റ്റ് ടീമും സംയുക്തമായി നടത്തിയ വാഹന പരിശോധനയിലാണ് ബംഗളൂരു-എറണാകുളം റൂട്ടിലോടുന്ന ജി.എസ്.എം ട്രാൻസ്പോർട്ട് ബസ് (റിജിസ്ട്രേഷൻ നമ്പർ: TN40AE-4447) കസ്റ്റഡിയിലെടുത്തത്. തുടർന്ന് നടത്തിയ പരിശോധനയിൽ, പ്ലാസ്റ്റിക് കവറിലാക്കി ഒളിപ്പിച്ച നിലയിൽ മെത്താംഫിറ്റാമിൻ കണ്ടെത്തുകയായിരുന്നു.

എറണാകുളം തൃപ്പൂണിത്തറ സ്വദേശിയായ നിതീഷ് ജോൺ (24) എന്ന യുവാവാണ് പിടിയിലായത്. ഇയാൾ ബസിൽ യാത്ര ചെയ്യവെയാണ് എക്സൈസ് സംഘത്തിന്റെ പിടിയിലായത്. ലഹരിമരുന്ന് കടത്താനുപയോഗിച്ച വാഹനം കസ്റ്റഡിയിലെടുത്തിട്ടുണ്ട്.

മയക്കുമരുന്ന്പിടികൂടി

സ്വന്തം ലേഖകൻ