വീടിന്റെ ഗ്രില്‍ അടിച്ച് തകര്‍ത്ത് അകത്തു കയറി; ഇന്‍വര്‍ട്ടര്‍ ബാറ്ററികള്‍ മോഷ്ടിച്ച് കടന്നുകളഞ്ഞു; കുടുങ്ങിയത് മൂന്നാം കണ്ണിൽ; തമിഴ്നാട് സ്വദേശി അറസ്റ്റിൽ

കോഴിക്കോട്: കുന്നമംഗലം ഇളംപിലാശ്ശേരിയിലെ ഒരു വീട്ടില്‍ നിന്ന് 12,000 രൂപയോളം വിലവരുന്ന രണ്ട് ഇന്‍വെര്‍ട്ടര്‍ ബാറ്ററികള്‍ മോഷ്ടിച്ച കേസില്‍ തമിഴ്നാട് സ്വദേശി പാണ്ടിയെ (46) കുന്നമംഗലം പോലീസ് അറസ്റ്റ് ചെയ്തു. കഴിഞ്ഞ ദിവസം കുന്നമംഗലത്തെ സ്വകാര്യ ആശുപത്രിക്ക് സമീപമുള്ള വീട്ടിലെ ഗ്രില്‍ തകര്‍ത്താണ് ഇയാള്‍ അകത്ത് കടന്നത്.

പോലീസ് കേസെടുത്ത് അന്വേഷണം നടത്തുന്നതിനിടെ ചേരിഞ്ചാല്‍ റോഡില്‍ വെച്ചാണ് പ്രതി പിടിയിലായത്. എസ്‌ഐമാരായ നിധിന്‍, ബൈജു എന്നിവരുള്‍പ്പെട്ട സംഘമാണ് പാണ്ടിയെ അറസ്റ്റ് ചെയ്തത്. കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തു.