മലപ്പുറം: ഭാര്യ സ്വന്തം വീട്ടിൽ താമസിക്കാത്തത് തന്റെ ഭാര്യാപിതാവ് കാരണമാണെന്ന് തെറ്റിദ്ധരിച്ച് ആക്രമണം. അബ്ദുൾ സമദ് എന്നയാൾ ആണ് ഭാര്യാപിതാവിനെ കാറിടിപ്പിച്ച് കൊല്ലാൻ ശ്രമിച്ചത്. ഈ കേസിൽ പ്രതിയായ അബ്ദുൾ സമദിനെ പൂക്കോട്ടുംപാടം പോലീസ് അറസ്റ്റ് ചെയ്തു. മലപ്പുറം ഊർങ്ങാട്ടിരി മൈത്ര സ്വദേശിയാണ് അറസ്റ്റിലായ പ്രതി.

ശനിയാഴ്ച വൈകിട്ട് മൂന്നരയോടെ കൂറ്റമ്പാറ രാമംകുത്ത് റോഡിൽ ചേനാംപാറയിലാണ് സംഭവം നടന്നത്. ബൈക്കിൽ സഞ്ചരിക്കുകയായിരുന്ന അബ്ദുള്ളയെ, മുൻവൈരാഗ്യം തീർക്കുന്നതിന്റെ ഭാഗമായി അബ്ദുൾ സമദ് കാറിടിപ്പിക്കുകയായിരുന്നു. ബൈക്കിൽ നിന്ന് തെറിച്ചുവീണ അബ്ദുള്ളയെ വീണ്ടും ഇടിക്കാൻ പ്രതി ശ്രമിച്ചെങ്കിലും നാട്ടുകാർ ചേർന്ന് തടഞ്ഞു.

ഇതിന് സമാനമായ മറ്റൊരു സംഭവത്തിൽ, ഭാര്യയെ കുത്തിപ്പരിക്കേൽപ്പിച്ച ഭർത്താവിനെ പാലക്കാട് മണ്ണാർക്കാട് പോലീസ് അറസ്റ്റ് ചെയ്തു. മണ്ണാർക്കാട് പാലക്കയം ചെത്തിയത്ത് വീട്ടിൽ ബേബി തങ്കമ്മ ദമ്പതികളുടെ മകളായ ശിൽപ്പയ്ക്കാണ് ഭർത്താവ് കൈതച്ചിറ സ്വദേശി റോബിൻ്റെ അക്രമണത്തിൽ കുത്തേറ്റത്.

പ്രതിഅറസ്റ്റ്

സ്വന്തം ലേഖകൻ