വയോധികയെ പീഡിപ്പിക്കാൻ ശ്രമം; ഒളിവിൽപോയ പ്രതിയെ കണ്ണൂരിൽ​ നിന്നും പൊക്കി പോലീസ്

ചവറ: 60 കാരിയെ പീഡിപ്പിക്കാൻ ശ്രമിച്ച പ്രതിയെ കണ്ണൂർ പുതിയങ്ങാടിയിൽ നിന്ന് ചവറ പോലീസ് അറസ്റ്റ് ചെയ്തു. നിരവധി ക്രിമിനൽ കേസുകളിൽ പ്രതിയായ പന്മന മേക്കാട് രഞ്ജിത്ത് ഭവനിൽ രാജേന്ദ്രന്റെ മകൻ ഉമേഷ് (36) ആണ് പിടിയിലായത്.

അതിക്രമത്തിനു ശേഷം ഒളിവിൽ പോയ പ്രതിയെ കണ്ടെത്താനുള്ള ഊർജിത തെരച്ചിലിനൊടുവിലാണ് പോലീസ് ഇയാളെ വലയിലാക്കിയത്. പ്രതിക്കെതിരെ കേരള സാമൂഹിക വിരുദ്ധ പ്രവർത്തനങ്ങൾ (തടയൽ) നിയമപ്രകാരം നടപടി ആരംഭിച്ചിട്ടുണ്ട്.

ചവറ പോലീസ് സബ് ഇൻസ്പെക്ടർ ഷാജിമോൻ, എസ്‌.സി.പി.ഒമാരായ രാജീവ് കുമാർ, രഞ്ജിത്ത് എന്നിവരടങ്ങിയ പോലീസ് സംഘമാണ് പ്രതിയെ അറസ്റ്റ് ചെയ്തത്. പ്രതിയെ കൂടുതൽ ചോദ്യം ചെയ്യലിനായി കോടതിയിൽ ഹാജരാക്കും.