ട്രെയിനിൽ യാത്രക്കാർ കുറഞ്ഞ തക്കം നോക്കിയെത്തി; പിന്നാലെ ഒരു വൃത്തികെട്ട നോട്ടവും; സ്ത്രീയെ മോശം രീതിയിൽ പിന്തുടർന്ന മുസ്തഫയെ അറസ്റ്റ് ചെയ്ത് പോലീസ്

കോഴിക്കോട്: ട്രെയിനിൽ വീണ്ടും സുരക്ഷാ വീഴ്ച. സ്ത്രീക്ക് നേരെ ലൈംഗികതിക്രമം നടത്തിയ പ്രതി അറസ്റ്റിലായി. ഷൊർണ്ണൂർ നിന്നും കോഴിക്കോട് ഭാഗത്തേക്ക്‌ യാത്ര ചെയ്യുമ്പോഴാണ് സംഭവം നടന്നത്. പ്രതി മലപ്പുറം പരപ്പനങ്ങാടി സ്വദേശി അങ്കമാന്റെ പുരയ്ക്കൽ മുസ്തഫ എപി (45) അറസ്റ്റിൽ. പരപ്പനങ്ങാടിയിൽ വെച്ചാണ് പ്രതിയെ പൊലീസ് കസ്റ്റഡിയിൽ എടുത്തത്.

യാത്രക്കാർ കുറവുള്ള കമ്പാട്ട്മെന്റിൽ സ്ത്രീയെ പിന്തുടർന്ന് മോശമായി പെരുമാറി എന്നാണ് കേസ്. 6ന് രാത്രിയാണ് സംഭവം. ഷൊർണൂർ - കോഴിക്കോട് പാസഞ്ചറിലാണ് സംഭവം. 9:40 ഓടെ ട്രെയിൻ കുറ്റിപ്പുറത്തു എത്തി. ഈ സമയത്താണ് അതിക്രമം നടന്നത്. കോഴിക്കോട് റെയിൽവേ പൊലീസ് കേസെടുത്തു. കോടതിയിൽ ഹാജരാക്കി പ്രതിയെ റിമാൻഡ് ചെയ്തു.