തിരുവനന്തപുരം: കണ്ണ് പരിശോധനയ്ക്കായി ആശുപത്രിയിലെത്തിയ പ്രായപൂർത്തിയാകാത്ത പെൺകുട്ടിയെ ലൈംഗികമായി പീഡിപ്പിച്ച കേസിൽ പ്രതിക്ക് 12 വർഷം കഠിനതടവും 50,000 രൂപ പിഴയും ശിക്ഷ. 51 വയസ്സുകാരനായ സതീഷ് നെയാണ് കാട്ടാക്കട അതിവേഗ പോക്സോ കോടതി ശിക്ഷിച്ചത്.

2023 ഡിസംബർ 25-നാണ് കേസിനാസ്പദമായ സംഭവം. ആശുപത്രിയിലെ സ്റ്റെയർകേസിലും തുടർന്ന് കുട്ടിയുടെ സീറ്റിന് പിന്നിൽ വെച്ചും പ്രതി ലൈംഗികാതിക്രമം നടത്തി. അമ്മയോട് കുട്ടി വിവരം പറഞ്ഞതിനെ തുടർന്ന് പ്രതി രക്ഷപ്പെട്ടു. കുട്ടിയുടെ അമ്മ നൽകിയ പരാതിയുടെ അടിസ്ഥാനത്തിൽ പോലീസ് പ്രതിയെ അറസ്റ്റ് ചെയ്യുകയായിരുന്നു. പിഴത്തുക അതിജീവിതയ്ക്ക് നൽകണമെന്ന് കോടതി ഉത്തരവിട്ടു.

പ്രതിശിക്ഷ

സ്വന്തം ലേഖകൻ