കൊടുങ്ങല്ലൂരിലെ ക്ഷേത്രത്തിൽ താലപ്പൊലി കാണുവാനെത്തി; തക്കം നോക്കി നിന്നു; ബൈക്ക് മോഷണം ചെറുതായിട്ട് ഒന്ന് പാളി; നൈസായിട്ട് പോലീസ് പൊക്കി;കുപ്രസിദ്ധ മോഷ്ടാവ് ഭഗവാന്‍ ശരത് കുടുങ്ങിയത് ഇങ്ങനെ!
തൃശൂര്‍: ബൈക്ക് മോഷണ കേസിൽ ഭഗവാന്‍ ശരത് പിടിയിൽ. കുപ്രസിദ്ധ ബൈക്ക് മോഷ്ടാവാണ് ഇതോടെ പിടിയിലായിരിക്കുന്നത്. പറവൂര്‍ കൈതാരം ചെറുപറമ്പില്‍ ശരത്ത് എന്ന ഭഗവാന്‍ ആണ് അറസ്റ്റിലായത്.
കൊടുങ്ങല്ലൂര്‍ താലപ്പൊലി കാണുവാന്‍ വന്ന മേത്തല സ്വദേശിയുടെ ബൈക്ക് മോഷ്ടിച്ച കേസിലാണ് ഇപ്പോൾ അറസ്റ്റ്. ക്ഷേത്രത്തിന്റെ തെക്കേ നടയിലുള്ള ലക്ഷ്മി ജ്വല്ലറിക്ക് തെക്കു വശത്ത് പാര്‍ക്ക് ചെയ്തിരുന്ന മോട്ടോര്‍ സൈക്കിളാണ് പ്രതി തക്കം നോക്കി മോഷ്ടിച്ചത്.
തൃശൂര്‍ റൂറല്‍ ജില്ലാ പോലീസ് മേധാവി ബി. കൃഷ്ണകുമാറിന്റെ നിര്‍ദേശം പ്രകാരം ബൈക്ക് മോഷണം നടത്തുന്നവരെ കേന്ദ്രീകരിച്ചും സമീപപ്രദേശങ്ങളിലെ സിസിടി.വി. ദ്യശ്യങ്ങള്‍ പരിശോധിച്ചും അന്വേഷണം നടത്തിയതിനെ തുടര്‍ന്നാണ് ഭഗവാന്‍ ശരത് പറവൂരില്‍നിന്ന് പിടിയിലാവുന്നത്.
തൃശൂരിലും പരിസര പ്രദേശങ്ങളിലെ പൊലീസ് സ്റ്റേഷനുകളിലുമായി നിരവധി മോഷണക്കേസുകളിൽ ഇയാൾ പ്രതിയെന്നാണ് പോലീസ് പറയുന്നത്.
