കടയുടെ പൂട്ട് പൊളിച്ച് അകത്ത് കടന്നു; കാഴ്ച കണ്ട് ഞെട്ടി പോലീസ്; പിടിച്ചെടുത്തത് ഒരു കോടിയിലധികം രൂപയുടെ പുകയില ഉത്പന്നങ്ങള്‍; തിരുവനന്തപുരത്ത് ഒരാൾ അറസ്റ്റിൽ

തിരുവനന്തപുരം: ഒരു കോടിയിലധികം രൂപയുടെ നിരോധിത പുകയില ഉത്പന്നങ്ങളുമായി ഒരാൾ അറസ്റ്റിൽ. കേസിലെ പ്രതി കിളിമാനൂര്‍ കൊടുവഴന്നൂര്‍ സ്വദേശി ഗോകുൽ പോലീസ് പിടിയിലായി. തിരുവനന്തപുരം കല്ലമ്പലം മാവിന്‍ മൂട്ടിലാണ് സംഭവം നടന്നത്.

കൊറിയര്‍ സര്‍വീസിനെന്ന വ്യാജേന കെട്ടിടം വാടയ്ക്ക് എടുത്തായിരുന്നു നിരോധിത പുകയിലെ ഉത്പന്നങ്ങളുടെ കച്ചവടം. ഇന്നലെയാണ് പുകയില ഉത്പന്നങ്ങള്‍ കല്ലമ്പലം പോലീസ് പിടികൂടിയത്.

കടയുടെ പൂട്ടു പൊളിച്ചാണ് പോലീസ് അകത്തു കടന്നത്. അറുപതോളം പെട്ടികളിലായി സൂക്ഷിച്ച നിലയിലായിരുന്നു നിരോധിത പുകയില ഉത്പന്നങ്ങള്‍ കണ്ടെത്തിയത്. പോലീസ് ഇന്നലെ നടത്തിയ പരിശോധനയിലാണ് നിരോധിത പുകയില ഉത്പന്നങ്ങള്‍ പിടിച്ചെടുത്തത്.