മൊബൈലിൽ ചാറ്റ് ചെയ്തുകൊണ്ട് ഡ്രൈവിങ്; യാത്രക്കാർ വീഡിയോ എടുത്ത് പ്രചരിപ്പിച്ചതിന് പിന്നാലെ നടപടി; ആലുവയിൽ പ്രൈവറ്റ് ബസ്സിന് സ്‌റോപ്പ് മെമോ നൽകി മോട്ടോർ വാഹന വകുപ്പ്
കൊച്ചി:മൊബൈലിൽ ചാറ്റ് ചെയ്തുകൊണ്ട് പ്രൈവറ്റ് ബസ് ഓടിച്ച ഡ്രൈവർക്കെതിരേ മോട്ടോർ വാഹന വകുപ്പിന്റെ നടപടി.യാത്രക്കാർ നിറഞ്ഞ ബസ്സിലായിരുന്നു ഡ്രൈവറുടെ ഇന്റർനെറ്റിൽ ചാറ്റ് ചെയുതുകൊണ്ടുള്ള ഡ്രൈവിങ്.ഇതിന്റെ വീഡിയോ യാത്രക്കാർ തന്നെ പകർത്തി പുറത്തുവിട്ടതിന് പിന്നാലെയായിരുന്നു മോട്ടോർ വാഹന വകുപ്പെത്തി ബസ്സിന്റെ ഡ്രൈവറെ പിടികൂടിയത്.ആലുവ- തേവര റൂട്ടിൽ സർവീസ് നടത്തുന്ന പ്രൈവറ്റ് ബസിന്റെ ഡ്രൈവർ റുഷീബിനെയാണ് മോട്ടോർ വാഹന വകുപ്പ് പിടികൂടിയത്.അപകടകരമാം വിധം വാഹനം ഓടിച്ചതിനാണ് ഇയാൾക്കെതിരെ നടപടിയെടുത്തിരിക്കുന്നത്.
ഡ്രൈവർക്കെതിരെയുള്ള നടപടി കൂടാതെ ബസ്സിന്റെ നിരവധി നിയമലംഘനങ്ങളും മോട്ടോർ വാഹന വകുപ്പ് നടത്തിയ പരിശോധനയിൽ കണ്ടെത്തി.ബസിൽ നടത്തിയ പരിശോധനയിൽ സ്പീഡ് ഗവർണർ വിച്ഛേദിച്ചതടക്കമുള്ള ഗുരുതരമായ മോട്ടോർ വാഹന നിയമ ലംഘനങ്ങളാണ് കണ്ടെത്തിയത്.ഇതേ തുടർന്ന ബസിന് സ്റ്റോപ്പ് മെമോ നൽകിയതായി അസിസ്റ്റന്റ് മോട്ടോർ വാഹന ഇൻസ്പെക്ടർ അറിയിച്ചു.
