തലശേരി: മദ്യലഹരിയിൽ റെയിൽവെ ട്രാക്കിലൂടെ കാറോടിച്ചയാൾക്കെതിരെ കണ്ണൂർ സിറ്റി പൊലിസ് റെയിൽവെ സുരക്ഷപ്രകാരം കേസെടുത്തു അറസ്റ്റു ചെയ്തു. അഞ്ചരക്കണ്ടി കൊഴുമ്പിലാന്മെട്ടയിൽജയപ്രകാശിനെ(51)യാണ് അറസ്റ്റു ചെയ്തത്.ചൊവ്വാഴ്‌ച്ച രാത്രി പതിനൊന്നേ മുക്കാലി താഴെചൊവ്വതൊഴുക്കിൽ പീടിക റെയിൽവെ ഗേറ്റിലാണ് സംഭവം. റെയിൽവെ ഗേറ്റ് മുറിച്ചു കടന്ന് പാളത്തിലൂടെ നിയന്ത്രണംവിട്ട കാർപായുകയായിരുന്നു.

ഇതുകണ്ട റെയിൽവേഗേറ്റ്മാൻ പിന്നാലെ ഓടി കാർ നിർത്താൻ ആവശ്യപ്പെട്ടുവെങ്കിലും നിർത്തിയില്ല. അൽപദൂരം മുൻപോട്ടുപോയ കാർ തനിയെ നിൽക്കുകയായിരുന്നു.തുടർന്ന് റെയിൽവേ ഗേറ്റുമാൻ കണ്ണൂർ സിറ്റിപൊലിസിൽ വിവരമറിയിക്കുകയായിരുന്നു. സ്ഥലത്തെത്തിയ പൊലിസ് കാർസുരക്ഷിതമായി മാറ്റുകയായിരുന്നു. ഈ സമയം ട്രെയിൻ വരാത്തതിനാലാണ് വൻദുരന്തമൊഴിവായത്.വന്ദേഭാരത് എക്സ്പ്രസ് കടന്നുപോകുന്ന സമയത്താണ് കാർ യാത്രക്കാരന്റെ പരാക്രമം.