മട്ടാഞ്ചേരി: പതിനാല് വയസ്സുകാരിയെ പീഡിപ്പിക്കാൻ ശ്രമിച്ച കേസ്സിൽ പ്രതി പിടിയിൽ, കണ്ണമാലി, മാനശ്ശേരി, നെടിയോടിൽ വീട്ടിൽ ജോസഫ് മകൻ 46 വയസുള്ള ജെസ്റ്റിൻ എന്നയാളാണ് അറസ്റ്റിലായത്. സ്‌കൂളിൽ വെച്ചു നടന്ന കൗൺസിലിംങിലാണ് പ്രതി പലതവണ തന്നെ കയറി പിടിച്ച കാര്യം കുട്ടി സ്‌കൂൾ അധികൃതരെ അറിയിച്ചത്. മട്ടാഞ്ചേരി അസിസ്റ്റന്റ് പൊലീസ് കമ്മീഷണർ കെ. ആർ മനോജിന്റെ നിർദ്ദേശപ്രകാരം കുട്ടിയുടെ മൊഴി രേഖപ്പെടുത്തി കണ്ണമാലി പൊലീസ് ഇൻസ്‌പെക്ടർ രാജേഷ് എസ് ന്റെ നേതൃത്വത്തിലുള്ള പൊലീസ് സംഘമാണ് പ്രതിയെ അറസ്റ്റ് ചെയ്തത്. പ്രതിക്കെതിരെ പോക്‌സോ ആക്ട് പ്രകാരം കേസ്സ് രജിസ്റ്റർ ചെയ്ത് കോടതിയിൽ ഹാജരാക്കി.