പത്തനംതിട്ടയില്‍ വ്യാപക പരിശോധന; കഞ്ചാവും ഹാഷിഷ് ഓയിലും പിടികൂടി; മൂന്നു പേരെ അറസ്റ്റ് ചെയ്തു
പത്തനംതിട്ടയില്‍ വ്യാപക പരിശോധന; കഞ്ചാവും ഹാഷിഷ് ഓയിലും പിടികൂടി; മൂന്നു പേരെ അറസ്റ്റ് ചെയ്തു
പത്തനംതിട്ട: ലഹരിവസ്തുക്കളുടെ വില്പനയ്ക്കെതിരായി ജില്ലാ പോലിസ് മേധാവിയുടെ നിര്‍ദേശപ്രകാരം നടക്കുന്ന പരിശോധനകളില്‍ മൂന്നുപേര്‍ പോലീസിന്റെ പിടിയിലായി. ഇവരില്‍ നിന്നും ഏഴു ഗ്രാം ഹഷീഷ് ഓയിലും10 ഗ്രാം കഞ്ചാവും പിടിച്ചെടുത്തു. ജില്ലാ ഡാന്‍സാഫ് സംഘം കൊടുമണ്‍, കൂടല്‍ പോലീസ് സ്റ്റേഷനുകളുടെ സഹകരണത്തോടെ നടത്തിയ പരിശോധനയിലാണ് പ്രതികളെ പിടികൂടിയത്.
നെടുമണ്‍കാവ് ഫാക്ടറി പടിക്ക് സമീപമുള്ള ഗുരു മന്ദിരത്തിന് അടുത്തു വച്ച് ഏഴു ഗ്രാം ഹഷീഷ് ഓയിലുമായി നൂറനാട് പടനിലം കിടങ്ങയം അരുണ്‍ നിവാസില്‍ അനില്‍കുമാര്‍( 32) അറസ്റ്റിലായി. കൊടുമണ്‍ പോലീസ് കേസ് രജിസ്റ്റര്‍ ചെയ്ത് തുടര്‍ നടപടികള്‍ കൈകൊണ്ടു. കൂടല്‍ പോസ്റ്റ് ഓഫീസിന് സമീപത്ത് നിന്ന് കൂടല്‍ ഏലിയാമൂല തണ്ണീര്‍പ്പന്തല്‍ വീട്ടില്‍ രാജന്‍ (36), കൂടല്‍ അഞ്ചുമുക്ക് സനീഷ് ഭവനം വീട്ടില്‍ സതീഷ് ( 40) എന്നിവര്‍ 10 ഗ്രാം കഞ്ചാവുമായി കസ്റ്റഡിയിലായി.കൂടല്‍ പോലീസ് കേസെടുത്ത് തുടര്‍ നടപടികള്‍ സ്വീകരിച്ചു.
