ഫിജികാര്‍ട്ട് പ്രതിനിധിയായി സാധനങ്ങള്‍ വില്‍ക്കാനെത്തി: വീട്ടില്‍ ആരുമില്ലെന്ന് കണ്ട് ബാലികയ്ക്ക് നേരെ ലൈംഗികാതിക്രമം: രണ്ടു വര്‍ഷത്തിന് ശേഷം പ്രതി അറസ്റ്റില്‍
ഫിജികാര്‍ട്ട് പ്രതിനിധിയായി സാധനങ്ങള്‍ വില്‍ക്കാനെത്തി:
പത്തനംതിട്ട: ബാലികയോട് ലൈംഗികാതിക്രമം കാട്ടിയ കേസിലെ പ്രതിയെ റാന്നി പെരുനാട് പോലീസ് അറസ്റ്റ് ചെയ്തു. മലയാലപ്പുഴ ചെങ്ങറ പ്രമോദ് ഭവനില്‍ വിനോദ്(54) ആണ് അറസ്റ്റിലായത്. 2023 ല്‍ ആണ് സംഭവം. ഫിജിക്കാര്‍ട്ട് വഴി സാധനങ്ങള്‍ വില്‍ക്കാന്‍ എത്തിയ പ്രതി വീട്ടില്‍ ആരും ഇല്ലാത്ത സമയത്ത് ഹാളില്‍ അതിക്രമിച്ചു കയറി പന്ത്രണ്ടുകാരിയോട് ലൈംഗിക അതിക്രമം കാട്ടുകയായിരുന്നു.
കൗണ്‍സിലിങ്ങില്‍ കുട്ടി നടത്തിയ വെളിപ്പെടുത്തലിന്റെ അടിസ്ഥാനത്തില്‍ പോലീസ് മൊഴി രേഖപ്പെടുത്തി കേസ് രജിസ്റ്റര്‍ ചെയ്തു. ഒളിവില്‍ പോയ പ്രതിയെ പെരുനാട് പോലീസ് ഇന്‍സ്പെക്ടര്‍ ജി. വിഷ്ണുവിന്റെ നേതൃത്വത്തില്‍ എസ്.ഐ കുരുവിള സക്കറിയ, സീനിയര്‍ സിവില്‍ പോലീസ് ഓഫീസര്‍മാരായ, സുകേഷ് വിജേഷ്,സിവില്‍ പോലീസ് ഓഫീസര്‍ രാം പ്രകാശ് എന്നിവര്‍ അടങ്ങിയ സംഘം ചെങ്ങറയില്‍ നിന്നും പിടി കൂടുകയായിരുന്നുയിരുന്നു. കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തു.
