തിരുവനന്തപുരം: കേരള നിയമസഭ നടത്തുന്ന ഹ്രസ്വചിത്ര മത്സരത്തിന് എൻട്രികൾ ക്ഷണിക്കുന്നു. ലഹരിവിരുദ്ധ സന്ദേശം ഉൾക്കൊള്ളുന്ന പരമാവധി 4 മിനിറ്റ് ദൈർഘ്യമുള്ള ഹ്രസ്വചിത്രം തയ്യാറാക്കി സഭാ ടി.വി.യുടെ sabhatvkeralam@gmail.com എന്ന ഇമെയിൽ വിലാസത്തിലോ 7356602286 എന്നTelegram അക്കൗണ്ടിലോ 2022 ഒക്ടോബർ 31-ന് വൈകിട്ട് 5.00 മണിക്കു മുൻപായി ബയോഡാറ്റയും തിരിച്ചറിയൽ രേഖയുടെ കോപ്പിയും സഹിതം അയയ്ക്കുക.

1. വിദ്യാർത്ഥികൾ (പഠിക്കുന്ന സ്ഥാപനത്തിലെ പ്രിൻസിപ്പൽ/ വകുപ്പ് തലവന്റെ സാക്ഷ്യപത്രം കൂടി സമർപ്പിക്കേണ്ടതുണ്ട്.)

2. സർക്കാർ/അർധസർക്കാർ/പൊതുമേഖലാ സ്ഥാപനങ്ങളിൽ സേവനം അനുഷ്ഠിക്കുന്നവർ

3. പൊതുജനം എന്നിങ്ങനെ മൂന്ന് വിഭാഗങ്ങളിലായാണ് മത്സരം സംഘടിപ്പിക്കുന്നത്.

ഓരോ വിഭാഗത്തിലെയും തെരഞ്ഞെടുക്കപ്പെടുന്ന ഹ്രസ്വചിത്രങ്ങൾക്ക് പ്രശസ്തിപത്രവും ക്യാഷ് പ്രൈസും നൽകുന്നതും അവ സഭാ ടി.വി.യിൽ സംപ്രേഷണം ചെയ്യുന്നതുമായിരിക്കും.

ഒന്നാം സമ്മാനം- 10,000/- രൂപ
രണ്ടാം സമ്മാനം - 5000/- രൂപ
ഓരോ വിഭാഗത്തിലും അഞ്ചു പേർക്ക് വീതം 1000/- രൂപ പ്രോത്സാഹനസമ്മാനമായി നല്കുന്നതാണ്.

ഇതുമായി ബന്ധപ്പെട്ട കാര്യങ്ങളിൽ സഭാ ടി.വി.യുടെ എഡിറ്റോറിയൽ ബോർഡിന്റെ തീരുമാനം അന്തിമമായിരിക്കും. മത്സരത്തിന് സമർപ്പിക്കപ്പെടുന്ന ഹ്രസ്വചിത്രങ്ങൾ മറ്റെവിടെയെങ്കിലും പ്രദർശിപ്പിച്ചതോ കോപ്പിറൈറ്റ് ഉള്ളതോ ആയിരിക്കാൻ പാടുള്ളതല്ല.

കൂടുതൽ വിവരങ്ങൾക്ക് ബന്ധപ്പെടേണ്ട നമ്പർ: 0471-2512549, 7356602286.