അസാധാരണ തൂക്കം കാരണം വല വരെ പൊട്ടി; ഒന്ന് നീങ്ങി മണലിൽ പൂഴ്ന്ന് പോയതും പൊല്ലാപ്പ്; കരയ്ക്കടിഞ്ഞ ജീവനുള്ള കൂറ്റൻ തിമിംഗലത്തെ രക്ഷപ്പെടുത്തി നാട്ടുകാർ

കൊല്ലം: കൊല്ലം പരവൂർ തീരത്തോട് അടുത്ത് മത്സ്യബന്ധന വലയിൽ കുരുങ്ങിയ കൂറ്റൻ തിമിംഗല സ്രാവിനെ ഫയർഫോഴ്‌സും പ്രദേശവാസികളും വിനോദസഞ്ചാരികളും ചേർന്ന് രക്ഷപ്പെടുത്തി.

വലയിൽ കുരുങ്ങിയ സ്രാവ് മണലിൽ പൂണ്ടുപോയതിനാൽ കടലിലേക്ക് തിരികെ വിടുന്നത് ശ്രമകരമായിരുന്നു. തുടർന്ന് വടം കെട്ടി വലിയ പ്രയത്നത്തിലൂടെ സ്രാവിനെ സുരക്ഷിതമായി കടലിലേക്ക് തിരിച്ചയച്ചു. രക്ഷാപ്രവർത്തനത്തിൽ വിദേശ വിനോദസഞ്ചാരികളും പങ്കാളികളായി. സംഭവത്തിൽ ആർക്കും പരിക്കേറ്റിട്ടില്ല.