മാസ്‌ക് ധരിച്ചെത്തി ബൈക്ക് മോഷ്ണം; മോഷ്ടിക്കുന്നത് ആഡംബര ബൈക്കുകള്‍; മൂവാറ്റുപുഴയില്‍ സജീവമായി ബൈക്ക് മോഷ്ടാക്കള്‍; രണ്ടംഗ സംഘ പ്രതികള്‍ക്കായി തിരച്ചില്‍
മൂവാറ്റുപുഴ: നഗരത്തില്‍ സജീവമായ ബൈക്ക് മോഷണ നടത്തുന്ന സംഘത്തെ പിടികൂടാന്‍ പോലീസ് അന്വേഷണം ശക്തമാക്കി. കഴിഞ്ഞ രാത്രിയിലാണ് മൂവാറ്റുപുഴ ടൗണിന് സമീപമുള്ള വിവിധ സ്ഥലങ്ങളില്‍ നിന്ന് മൂന്നു ബൈക്കുകള്‍ കവര്‍ച്ച ചെയ്തത്. നഗരത്തില്‍ നിന്ന് മൂന്നു കിലോമീറ്റര്‍ പരിധിയിലാണ് മോഷണം നടന്നത്. പ്രമുഖ ആഡംബര ബ്രാന്‍ഡുകളിലെ ബൈക്കുകളാണ് മോഷ്ടാക്കള്‍ ലക്ഷ്യമാക്കിയതെന്ന് പൊലീസ് അറിയിച്ചു.
മാസ്‌ക് ധരിച്ച രണ്ട് യുവാക്കളാണ് ഫ്‌ലാറ്റ് പരിസരത്ത് ബൈക്ക് മോഷ്ടിക്കുന്നതായി സിസിടിവി ദൃശ്യങ്ങളില്‍ വ്യക്തമായി കാണുന്നത്. ദൃശ്യങ്ങള്‍ പുറത്ത് വന്നതോടെ സംഭവത്തില്‍ കൂടുതല്‍ വ്യക്തത ലഭിച്ചതായി പോലീസ് വ്യക്തമാക്കി. മോഷ്ടിച്ച ബൈക്കുകളില്‍ ഒന്ന് അടുത്തായി ഉപേക്ഷിച്ച നിലയില്‍ കണ്ടെത്തിയിരുന്നു. മോഷണ സംഘത്തില്‍ രണ്ട് പേരേ ഉണ്ടായിരുന്നുവെന്നതിനാല്‍ മൂന്നാമത്തെ ബൈക്ക് എത്തിക്കാനുള്ള ബുദ്ധിമുട്ട് കാരണമായിരിക്കാം ഒരു ബൈക്ക് ഉപേക്ഷിച്ചതെന്നാണ് അന്വേഷണ സംഘം പറയുന്നത്.
ഇതിനിടെ, പ്രതികളെ തിരിച്ചറിയാനുള്ള ശ്രമം സിസിടിവി ദൃശ്യങ്ങള്‍ ആധാരമാക്കി നടക്കുന്നു. നഗരവാസികളോട് ജാഗ്രത പാലിക്കണമെന്ന് പോലീസ് പറഞ്ഞു. കേസ് വേഗത്തില്‍ തീര്‍ത്ത് അറസ്റ്റ് നടപടികള്‍ ഉടന്‍ ഉണ്ടാകുമെന്ന് പോലീസ് പറഞ്ഞു.
